tradukoj: be de en es fr hu nl pl pt ru

^*turment/i

^*turmenti

1.

Suferigi iun per kruelaj korpaj suferoj: malbonaj infanoj amas turmenti bestojn [1]; se malsato turmentas, lupo timon ne sentas [2]; ŝin terure turmentis la frosto [3].

2.

(figure) Suferigi iun per moralaj suferoj: maltrankvilo turmentis lin^B; kiun malĝojo ne turmentis, tiun ĝojo ne sentas^Z; turmentita per konstantaj duboj^Z; ĉiuj estis turmentataj de la timo, ke... tro da bono ne turmentas [4]; turmenti iun per postuloj^Z. ĉagreni, ĉikani, dolorigi, maltrankviligi

turmenta

Daŭre suferiga: ŝi forpuŝadis ilin de si kiel ion ... tro pezan por ŝiaj fortoj, tro turmentan por ŝia koro [5]; en aliaj okazoj ekzistas turmenta sento de sekeco kaj la okuloj povas esti malfermataj nur kun malfacileco [6].

turmento

Suferoj ricevataj de iu aŭ io: turmentoplenaj formalaĵoj; la bramano ne povis elporti la turmentojn, ricevatajn de sia edzino [7].

turmentegi

Kaŭzi grandajn dolorojn: per kapricoj ŝi ĉiujn turmentegis kaj fine forĵetis, aŭ ili mem fuĝis de ŝi [8]. martiro, torturi

turmentiĝi

Esti trafata de suferoj: kiel gravedulino ... turmentiĝas kaj krias en siaj doloroj [9].

elturmenti

Plene turmenti ĝis senrezisto aŭ senespero: per senĉesa enloĝigado de soldatoj li tute nin elturmentis, ni ne scias jam kiel nin savi [10].