tradukoj: be bg de el en es fr hu nl pt ru tp tr

^*gas/o [1]

^*gaso

1.

Aersimila fluidaĵo, kies molekuloj tre malmulte alteniĝas inter si kaj ĉiam emas disiĝi (aero, hidrogeno, brulgaso, ktp): jam post tri tagoj la ventro de mortinta besto tre ŝvelas pro la gasoj de la putrado [2].

2.

(komune) brulgaso

gasa

El gaso, funkcianta per gaso: gasaj lanternoj [3]; solidaj, likvaj aŭ gasaj substancoj atingas la tersupraĵon [4].

gaseca

Havanta la naturon de gaso.

gasigi

Igi gasa, meti en gasan staton.

gasujo

Ajna ujo, destinita por teni gason, kaj pli speciale:

a)

[5] metala ujo, destinita por teni de kelkcent ĝis kelkmil gramojn da kunpremita gaso, ofte brulgaso; gasbotelo

b)

[6] granda rezervujo por brulgaso ĉe la fabriko. Komparu kun: gasometro.

brulgaso, lumgaso

Gasa bruligaĵo, produktata miksante diversajn naturajn aŭ artefaritajn bruligeblajn gasojn, kaj uzata por lumigi kaj hejti.

larmogaso, larmiga gaso

Gaso incita al la okuloj, uzata kontraŭ strataj manifestaciantoj: oni veturigis min al malsanulejo. Miaj okuloj estis difektitaj per larmiga gaso [7]; la demonstraciintoj estis vunditaj pro pafado, batado kaj larmo-gaso hodiaŭ [8].

mingaso

Flamiĝema kaj eksplodema gaso en la karbominejoj, miksaĵo el aero kaj metano.

tergaso

Gaso, konsistanta ĉefe el metano, eliĝanta el teraj fontoj: distribuo de elektro, petrolo kaj tergaso [9].

nobla gaso

Gaso, kies molekuloj ne povas kombiniĝi kun aliaj molekuloj. argono, heliumo, kriptono, ksenono, neonoinerta

gasbeko

Ekstremaĵo de tubo, ĉe kiu eliĝas kaj brulas lumgaso. brulilo, flamingo.

gasbotelo

gasujo^1.a

gasmezurilo

Aparato por reguligi la fluon kaj registri la kvanton de la distribuita brulgaso.

gasmufo

Speco de ĉapeto, teksita el asbesto, kiun oni metis sur gasbekon por pliintensigi la lumon de la flamo, kiu igis ĝin ardanta. ardilo

        Ĉu la precizigo "ĉe la fabriko" estas esenca kaj sufiĉe
        klara?
        Kia alia diferenco ekzistas inter ~ujo kaj „gasometro“?
        [MB]