tradukoj: de en fr hu nl pl pt ru sv

integr/a

integra

1.

Tute kompleta; el kiu oni forprenis neniun parton: integra kvanto, sumo, liveraĵo; konservi la integrecon de la lando; la integreco de deponaĵo.

2.

Kiu prezentas koheran tuton harmonian en siaj partoj: la poemo, laŭ modernaj kriterioj, estas longa ... tamen ĝi havas maloftan integron [1]; oni devas antaŭ ĉio integriĝi al sia ĉirkaŭo (asimiliĝi) [2]; Esperanto integriĝas en la homa psiko je nivelo pli profunda ol ĉiu ajn alia fremda lingvo [3]. monolita

3.

[4] (p.p. ringo) Sen nuldivizoroj: korpo estas integra ringo; finia, komuteca, unuhava, integra ringo estas korpo.
Rim.: Anstataŭ „integra ringo“ troviĝas ankaŭ „integreca domajno“, ekz-e en [5], kiu paŭsas similajn nacilingvajn formojn. Oni ĉiuokaze ne konfuzu la radikon „integr“ kun la homonimo, kiu signifas „integral“ kaj ne traduku „integreca domajno“ per „regiono de integralado“!

integri

1.

(ntr)
(malofte) Esti integra, kunesti kiel integraj partojn de unu tuto: Urĝe mi vokas la masojn pelantajn sin ĉirkaŭ la Globo: | Vi, alianco de ŝtormo kaj fajro, kaj akvo kaj ĉio, | kio tensie integras en kresko kaj forto de l'vivo, | ĉiuj lum-son-elementoj, kaj ĉio kun ĝi kombinita, | maso atoma amasa mi ― vokas: Indulgu la Teron! [6].

2.

(tr)
(evitinde) integrigi
Rim.: Ĉi tiun formon naturisme preferas PIV2, kvankam ĝi ne estas akordigebla kun la adjektiva ĉefsenco (tiu de integra). La aŭtoroj de PIV1 pli klare konsciis tion, kaj tial la matematikan homonimon integri prezentis en aparta artikolo (cetere, tiun sencon matematikan pli sisteme kaj klare esprimas integrali). [Sergio Pokrovskij]

integrigi

Kunigi en unu koheran tuton: li (Pierre de Chardin) elpensis kaj proponis novan teorion, kiu ree akordigu la du malamikajn tendarojn kaj ree integrigu Sav-historion kaj Mond-percepton [7]; 14. Integrigi en la formalan instruadon, samkiel en la vivlongan lernadon, la scion, la valorojn kaj la scipovojn, kiuj necesas por dauripova vivmaniero [8]; en la estonteco Ĉina Radio Internacia pluapaŝe integrigos diversajn riĉfontojn kaj pene trovos pli multajn kaj pli bonajn ŝancojn por disvolvado [9].

integra cirkvito

Elektronika cirkvito, plenumanta specifan funkcion, kaj realigita en unu duonkonduktila kristalo (plej ofte silicia), en kiu kristalo estas fabrikitaj ĉiuj elementoj, necesaj por la plenumado de la funkcio. Tiuj elementoj plej ofte estas transistoroj kaj diodoj. Kombinante ilin en unu kristalo oni povas krei tre diversajn analogajn aŭ ciferecajn integrajn cirkvitojn. blato