tradukoj: be bg cs de en es fi fr he hu nl pl pt ru sv tr

^*kadr/o

^*kadro

1.

Borderaĵo, ordinare kvadrata, sed ankaŭ diversforma, el iu ajn materialo, per kiu oni ĉirkaŭigas pentraĵon, spegulon, fenestron ktp: la orita kadro mirinde reliefigis la nigran figuron de la maljunulino

2.

Vidaĵo, kiu ĉirkaŭas ion: la urbo kuŝis en kadro el freŝa verdaĵo; la palaco liveris bonegan kadron al nia kongreso fono.

3.

Ĉio, kio ĉirkaŭas ian okazaĵon: cirkonstancoj, kutimoj, reguloj, organizo, doktrino: la disdonado de la diplomoj okazis samtage, en la kadro de adiaŭa vespero; la historia kadro de tiu citaĵo estas sufiĉe konata. establi novan organizon en la kadro de nia asocio; tiu agado okazas ekster la kadro de nia ofico; ni proponas nur krei neŭtralan eksteran kadron, kiu povus unuigi inter si ĉiujn memstare pensantajn homojn^Z; krevis la malnovaj kadroj de la sciencoj.

kadre de

En la donitaj cirkonstancoj, laŭ la koncerna organizo: ili trovus trafan esprimon, kadre de la kutima lingvo [1]. enkadre de

kadri

1.

(iu)enkadrigi ¹ [ve al tiu, kiu] trahakas al si fenestrojn kaj kadras ilin per cedro kaj kolorigas per cinabro [2]; ŝi havis sur si neĝoblankan kolumon, butonumitan per granda ore kadrita kameo (ĉirkaŭigita per ora kadro) [3]; li plu konservis sur la vizaĝo kadrita per malgrandaj vangoharoj rideton de ravo kaj sindonemo [4].

2.

(io)enkadrigi ² el ŝiaj profundiĝintaj kaj blue kadritaj okuloj (okuloj, ĉirkaŭitaj de bluaĵo) fluis silenta, sed korpenetra plendo [5]; malaperis la cipresoj kadrantaj la supran terason [6].
Rim.: Ĉi tiu senco ne estas agnoskita de [7], kiu citas la zamenhofan ekzemplon kadre de senco ¹, kio estas allasebla interpreto pro la pasiva formo de la verbo kaj la adverba formo de la adjekto.

enkadrigi

1.

(iu) Ĉirkaŭigi per kadro: enkadrigi fotografaĵon; ili faris la oniksajn ŝtonojn, ĉirkaŭe enkadrigitajn per oro [8].

2.

(io) Servi kiel kadro: fosoj, enkadrigitaj de tuta vico da salikoj [9].
Rim.: Ĉi tiu senco ne estas agnoskita de [10], kiu citas la zamenhofan ekzemplon kadre de senco ¹, kio estas neebla interpreto, ĉar de vico da salikoj evidente ne montras instrumenton, sed aganton.

enkadre de

kadre de La interkonsento estis farita enkadre de la laborgrupo [11].

alkadrigi

Aranĝi tekston tiel, ke ambaŭ randoj estas glataj. [12]rektigiremburi