tradukoj: be de en es fr hu nl ru vo

^*kelk/a

kelka

1.

Nedifinitan kvanton de tuto, kies dividoj ne estas esprimeblaj per nombroj: metu kelkan ordon en vian paroladon^Z; antaŭ kelka tempo^Z; kun kelka hezitado^Z; en kelka maniero^Z, rilato^Z; doni kelkan klarigon^Z; tiu, kiu opinias, ke respondo pri lia demando povus havi kelkan intereson por aliaj personoj, volu...^Z; en tiaj okazoj, kelka libereco alportas al ni nenian malutilon^Z; kelktempa ĉeso ne estas forgeso [1]. ia, ioma, iu

2.

Nedifinitan, sed difineblan kvanton: kelka nombro da novaj vortoj^Z; falis kelka nombro el la soldatoj^Z. certa ³

kelkaj

Nedifinitan kvanton da pluraj nombreblaj aferoj, kontraste kun la tuto aŭ kun pli granda kvanto:

a)

atendu nur kelkajn (malmultajn) minutojn; ni prenos simple kelkajn ekzemplerojn^Z; kelkaj homoj sentas sin la plej feliĉaj, kiam ili vidas la suferojn de siaj najbaroj; tiuj kelkaj (malmultaj) novaj E-istoj deziris dikti leĝojn al la tuta popolo E-ista^Z; kelktaga ekzerciĝo^Z. iuj, diversaj, iomaj, pli ol unu.

b)

(kun elipso de la substantivo) kelkaj (personoj) pensas, ke...

kelke

Analoge kun multe, iom kc, tiu adverbo estas uzata kun la senco de substantivo montranta nedifinitan, sed ne tre grandan kvanton: nur kelke da homoj sidis en la ĉambro; kelke da ni^Z; permesu diri al vi kelke da vortoj^Z; mi volis doni al ŝi kelke da violoj^Z (= kelkon da aŭ kelkajn); oni ne povus tion fari laŭ mendo en la daŭro de kelke (malmulte) da semajnoj^Z; li donis al la almozulo la kelke da spesdekoj, kiujn li havis^Z; dum la kelke da minutoj de ĉi tiu rigardado^Z; ili ellernis tiun lingvon en la daŭro de iaj kelke da semajnoj^Z.

kelkope

En malgranda grupo: ili kolektiĝis kelkope en ies hejmo unu aŭ du vesperojn ĉiusemajne por interparoli [2].