tradukoj: be bg br cs de en es fr hu it nl ru sv

^*kest/o [1]

^*kesto

Ujo ligna, metala, plasta aŭ el alia materialo, ofte en formo de orta paralelepipedo: ili faru keston el akacia ligno ... kaj tegu ĝin per pura oro [2]; ŝi prenis por li keston el kanoj kaj ĉirkaŭŝmiris ĝin per asfalto kaj peĉo [3]; formeti la aferon en la keston de forgeso [4]; ofta festo ― malplena kesto (monkesto) [5].

leterkesto

Kesto por enmeti ricevatajn leterojn, pakaĵojn, mesaĝojn. poŝtkesto

monkesto

Kesto por teni monon: la avarulo staris, forgesinte la ŝlosilon de sia monkesto, kaj la ŝlosilo, kiel li bone sciis, sidis en tiu kesto [6]; sidante kontraŭ la monkesto, li rimarkis, kiel la homoj enĵetas monerojn [7]. kaso ¹

nigra kesto

1.

Parto de aparato, programo, sistemo, de kiu oni rigardas nur la enigojn kaj eligojn, nenion supozante pri interna funkciado. nigra skatolo

2.

(evitinde) Flugregistrilo, kiu restas en flugaparato, kaj kies enhavon oni povas analizi post paneo aŭ akcidento.
Rim.: „Nigra kesto“ aŭ „nigra skatolo“ en la senco de flugregistrilo aperas en gazetaj tekstoj. Ĝi ne evidentigas la funkcion de la aparato, kiu cetere estas ordinare oranĝkolora.

poŝtkesto

Publika kesto por enmeti sendotajn leterojn aŭ paperaĵojn. leterkesto

sonkesto

Kesto kun buŝo apud la kordoj de kordinstrumento aŭ sub tegaĵo de frapinstrumento por laŭtigi ties sonojn.

^*tirkesto

Fako, ingigita en ŝranko, tablo, komodo aŭ simila meblo, kaj laŭvole elŝovebla: en mia skribotablo sin trovas kvar tirkestoj [8].