tradukoj: be bg br de el en es fr hu nl pt ru

^*nest/o

^*nesto

1.

Korbeto aŭ konstruaĵeto farata de la birdoj kaj de kelkaj insektoj kaj fiŝoj por demeti siajn ovojn kaj kovi la idojn: la diversaj specoj de termitoj ... konstruas nestojn de tre diversa formo [1]; al ĉiu besto plaĉas ĝia nesto [2].

2.

(figure) Hejmo rigardata kiel restadejo, rifuĝejo: la amata kaj amanta edzo ... aranĝis por ŝi molan, varman kaj oportunan neston [3]; (figure) fari sian neston (sin daŭre instali); (figure) ĉu ĉi tiun domon ... vi rigardas kiel neston de rabistoj [4]?

nesti

Konstrui neston: kolomboj, kiuj nestas en truoj de kavernoj [5].

nestego

Iom granda kuŝejo, kiun aranĝas bestoj por sia ripozo aŭ por la idoj: ĉu vi ... satigas la leonidojn, Kiam ili kuŝas en la nestegoj [6]?

nestiĝi

1.

Sin instali en nesto.

2.

(figure) Sin daŭre instali: floroj nestiĝas en la fendoj de iliaj radikoj [7]; la militfebro nestiĝis en ilia kapo. enradikiĝi, loĝi, okupi, resti.