tradukoj: be bg ca cs de en es fr he hu it nl pt ru sv tr vo zh

^*pac/o

^*paco

1.

Stato de nacio aŭ tribo, kiu ne estas militanta: (frazaĵo) se vi volas pacon, preparu militon ; en tempo de paco [1]; la artoj de la paco; armita paco (dum kiu ĉiu sin pretigas por milito).

2.

Stato de socio, gento, familio... inter kies anoj ne estas malakordo aŭ malkonsento: ili vivu inter si en paco [2]; ili foriris de li en paco [3]; la paco kaj silento regas [4]; paco al lia cindro (ripozi) [5]. akordo, harmonio, konkordo, konsento

^*paca

1.

Estanta en paco: severa netuŝebleco de nia fundamento estas [...] kondiĉo por nia regula kaj paca progresado [6]; tiuj homoj estas pacaj kun ni [7]; pacaj kunvenoj; pace diskutadi.

2.

(figure) Ne malkvietiganta la animon: paca nokto; en la paca silento ne blovas eĉ vento^Z; estis trankvile kaj pace en la buduareto [8]. kvieta ¹

3.

Celanta pacon: ni ne laciĝos en nia paca laboro^Z.

pacema

Deziranta, favoranta kaj helpanta pacon, evitanta batalojn aŭ malkonsentojn: ĉar estontecon havas homo pacema [9].

pacigi

1.

Fari, ke iu aŭ io restu paca, akordigi: Li eĉ liajn malamikojn pacigas kun li [10]; jen estas la sola rimedo por pacigi Eŭropon; (figure) pacigi la logikon kun la tradicio^Z.

2.

Fari ke iu aŭ io estu denove paca: pacigi malkonsenton, ribelon, disputon; pacigaj admonoj. kvietigi

paciĝi

Firmigi pacajn rilatojn, estingi kverelojn: se vi [...] memoras, ke via frato havas ion kontraŭ vi, lasu tie vian oferon antaŭ la altaro, kaj foriru, unue paciĝu kun via frato [11]. venas paciĝo post malpaco^Z; (figure) mi ne povas paciĝi kun tiu ideo.

pacismo

pacifismo

pacisto

pacifisto internaciistoj, pacistoj, homaramantoj celas forigi el la mondo la militon [12].

malpacema

Inklina al kvereloj, malkonsentoj, perfortoj: malpacema edzino estas kiel konstanta gutado [13]; episkopo devas esti sen riproĉo, [...] ne kolerema, ne drinkema, ne malpacema [14]. kolerema

malpaceto

Malgranda, bagatela, futila kverelo: neniam ĝis nun okazis inter ili ia malpaceto [15].

malpaci

Esti en malpaca stato: pro limoj kaj baroj malpacas najbaroj [16]; pli bone estas havon fordoni ol kun homoj malpaci [17].

malpaciĝi

Malakordi kaj ekdisputi, kvereli aŭ batali: malpaciĝinta frato estas pli obstina ol fortikigita urbo [18]; knaboj ludas, malpaciĝas, batiĝas – kelkfoje eĉ sange, – homoj grandaĝaj [...] volas preni la manon unu de la alia [19].

malpaco

Stato de malakordoj inter homoj aŭ homgrupoj: estis malpaco inter la paŝtistoj de la brutaro de Abram kaj la paŝtistoj de la brutaro de Lot [20]; kolerema homo kaŭzas malpacojn [21]; rabado kaj perfortado estas antaŭ mi, leviĝas disputoj kaj malpaco [22].

repacigi

Estingi koleron, rebonigi la rilatojn: mi repacigos vin kun Herhor [23]; vi devas repacigi Serpentdion, kaj li deprenos la malbenon de sur vi [24].