tradukoj: be ca de en es fr nl pt ru sk sv

¹akord/o [1]

akordo

1.

Ĝusta konveneco inter pluraj aferoj: estas ia mirinda akordo inter la movoj de la astroj [2]; ili estas en akordo, kiel peto kaj mordo (ili tute malakordas, vd kato) [3]. interakordo²harmonio, kongrueco, konformeco

2.

[4] Grupo de almenaŭ tri samtempaj tonoj, kutime produktanta agrablan sonon: akordo maĵora, minora, bemola, diesa; perfekta akordo; Sara pinĉ[is] kelke da akordoj sur la harpo [5]; du aŭ tri liroj kaj sama nombro de kaninstrumentoj ludiĝis kun akompano de plendaj kaj kortuŝaj harpakordoj [6]. harmonio

3.

Sameco de sentoj aŭ opinioj inter personoj: maljusteco kaj malamo estigas ribelon kaj bataladon inter ili, sed justeco estigas akordon kaj amikecon [7]; kian akordon havas Kristo kun Belial? [8]. interakordo¹harmonio, konkordo, konsento, koncerto², kunsento, samopinieco, samsenteco

4.

Oficiala interkonsento, ekz-e inter ŝtatoj: kontrakti akordon; tiu regularo ne kovras la akordojn kiujn la Komunumo faras kun triaj landoj [9]; la 1-an de decembro, la projekto de israel-palestina akordo devus fine esti subskribita en Ĝenevo [10]. interakordo³interkonsento, kontrakto, traktato
Rim.: Kvankam ĉi tiu signifo oftiĝas, ĝi plu aspektas iom fremda apud la pli komuna „interkonsento“. Oni ĉiuokaze evitu vastigi la sencon ĝis sinonimeco kun „konsento“ (ekz-e peti ies konsenton, ne akordon ).

5.

[11] Fenomeno, per kiu la formo de iuj vortoj konformiĝas al tiu de aliaj, kun kiuj ili estas en sintaksa rilato: akordo de adjektivo kun substantivo (aŭ: inter adjektivo kaj substantivo) laŭ kazo kaj nombro; male al la latina, la Esperanta verbo ne montras akordon de persono (aŭ: laŭ persono) kun la subjekto.

akorda

1.

Rilata al akordo²: tiuj ĉi akordaj sinsekvoj ne nepre konsistigas kadencon [12].

2.

Paŝanta laŭ unu sama takto: diskurintaj tonoj kuniĝas, sin akordaj ligas legionoj, kaj jam laŭtakte marŝas harmoniaj sonoj [13]; la ĉevaltrio akorde kuris [14]; Sargonon ja sekvis la plej bonaj asiriaj batalistoj[...], sed mi ne vidis eĉ ses soldatojn, sciantajn marŝi akorde en rekta vico [15].

3.

Estanta en stato de akordo³: la familiaj rilatoj estas akordaj kaj virinoj ĝuas plenajn personajn kaj havaĵajn rajtojn [16]; la geedzoj vivis akorde kaj trankvile [17].

4.

Estanta en stato de akordo¹: por ke la ĉinaj leĝoj estu akordaj al la reguloj de MKO, Ĉinio bonordigis kaj reviziis leĝojn kaj regulojn pri ekstera ekonomio [18]. adaptita, harmonia, konforma, kongrua, laŭa, taŭga

akordi

Esti en stato de akordo:

a)

akordi kun iu; li estis la ununura kun kiu mi bone akordis, ĉar li pretis obei min [19].
Rim.: Ĉi tiun sencon oni ne vastigu al sinonimeco kun konsenti, aŭ koncedi.

b)

ĉeesto ĉe mistikaj ceremonioj ne akordas kun liaj principoj [20]; tiuj koloroj bone akordas. konformi, kongrui

c)

la substantivo kaj ĝiaj adjektivoj akordas laŭ kazo, genro, kaj nombro [21].

akordigi

Igi akorda: kaze akordigi vorton kun alia^Z; peni por akordigi la naciajn fierecojn (pacigi); akordigi horloĝojn. konformigi

akordigebla

Kiun eblas akordigi: tiuj postuloj estas inter si malfacile akordigeblaj [22]; nia streĉa atentado trudis al vi la nimimumon da preseraroj akordigeblan kun la homa eraremo [23]; ĉu la aktuala propono por la lingvoreguligo ĉe la Komunuma Patento estas akordigebla kun la principo de nediskriminacio de la komunumaj lingvoj? [24].

akordiĝi

Iĝi akorda: ili akordiĝas por vin trompi^Z; multaj malvere atestis kontraŭ li, kaj iliaj atestoj ne akordiĝis [25]; [ŝi] ofte ridis, kio tute ne akordiĝis kun ŝia pala kaj konfuzita vizaĝo [26]; mi deziras eksedziniĝi, ĉar mi ne povas akordiĝi kun mia edzo [27]; ili ne laboras kun vera diligenteco[, sed] kun la tempo ĉio akordiĝos [28]; la privata intereso tute akordiĝis kun la ĝenerala; la adjektivoj akordiĝas (akordas) laŭ nombro kaj kazo, kaj ankaŭ laŭ genro [29]; por limigi la akuzativon aŭ ĉesigi la akordiĝon (akordon) de la adjektivoj en multnombro, ĉu taŭgus subfosi la tutan laboron de duonjarcento? [30]; akordiĝema (konsentema) karaktero. fleksiĝi, konformiĝi

interakordo

1.

[31]akordo³

2.

akordo¹

3.

akordo⁴ finiĝis per ekstertribunala interakordo la proceso de la Antarktika Esperanto-Asocio kontraŭ la Aŭstralia Asocio [32].

malakordo

akordo³ juneca aventuramo igis min alpreni [tiun profesion], kaj malakordo kun parencoj, kiu jam ne ekzistas [33]; en Vilvoorde [...] ekestis malakordo inter liberaluloj kaj la kristandemokrata partio [34]. konflikto, misakordo

malakordi

akordi via rakonto, profesoro, estas tre interesa, kvankam ĝi tute malakordas kun la Evangelioj [35]. konflikti

malakorda

akorda la elementoj estas kunmiksitaj, la animoj malakordaj kaj se vi ne savos nin, sinjoro, la horoj de nia vivo estas kalkulitaj [36]; Ĉinio jam reviziis kaj nuligis serion da leĝoj kaj reguloj malakordaj al la difinoj de MKO [37]; la violonoj malakorde pepis, penante agordiĝi al la mallertaj violonĉeloj [38]. konflikta

malakordigebla

neakordigebla tio ja estus malakordigebla kun via reĝina digno [39].

misakordo

Nekompleta, malbona akordo: zorgu, ke akraj sonoj ne faru misakordojn [40]; estas ja kelkaj misakordoj inter la membroŝtatoj pri la neleĝaj rifuĝintoj [41].
Rim.: Ŝajnas, ke tiu ĉi vorto rolas ĉefe kiel evitvorto por malakordo.

neakordigebla

Kiun ne eblas akordigi: [la ekologiaj damaĝoj necesigas] politikajn decidojn neakordigeblajn kun la dominanta novliberalisma modelo [42]. malakordigebla

akorde kun, akorde al

Laŭ komuna sento, komuna intenco, komuna maniero, kongrue kun, konforme al: ni esperas doni specialan rolon al la teatro, akorde kun la tradicio de la gastiganta urbo [43]; dum la dua mondmilito, akorde al la militarisma politiko por ekspansii suden, Japanio pluapaŝe disvolvis en Taiwan diversajn industriojn rilatajn al la milito [44] .

malakorde kun

Malharmonie, malkongrue kun, kontraste al: ne rekonis anabaptistoj, malakorde kun Lutero kaj Swinglio, la bapton de infanoj [45].

veni en akordon

akordiĝi

      Kiamaniere nomi akordon misharmonian? Cxu "misakordo"?
      [MB]