tradukoj: be cs de en es fr hu nl ru

^*solv/i

^*solvi

1.

Trovi nekonaton de problemo, respondon al demando, rimedon por eliri el malfacilaĵo: solvi enigmon, malhelpaĵon, konflikton; solvi ĉiujn disputojn kaj dubojn en lojala interkonsento^Z; la vivo mem jam longe solvis la demandon^Z; Salomono mem ne solvos, kio en ĝi estas vera kaj kio malvera [1]; nesolvebla problemo. konkludi, decidi.
Rim.: El la du homonimaj signifoj de ĉi tiu radiko nur ĉi tiu intelekta estas fundamenta.

2.

a)

Tiamaniere miksi kun likvo solidon, gason aŭ alian likvon, ke la rezulto estas stabila kaj homogena likvo: solvi salon en akvo [2]; natria jodido solvita en acetono [3].

b)

(p.p. likvo) Esti tia, ke eblas solvi^2.a aliajn substancojn en ĝi: akvo solvas salon.
Rim.: Ni ne trovis aŭtoritatajn ekzemplojn por ĉi tiu senco, sed ĝi aspektas pravigita pro ĝia internacieco kaj, nerekte, pro la uzo en [4] de participaj formoj „solvinta“ (difino de solvaĵo) aŭ „solvanto“, kiuj rilatas al likvoj, ne al personoj.

solvo

1.

[5] Ĝusta respondo al problemo, demando: solvo de problemo, demando, enigmo, malfacilaĵo, mistero (aŭ: solvo al...); vi proponis enigmon al la filoj de mia popolo, kaj al mi vi ne diris ĝian solvon [6]; ni devos klasi la kazon kun la krimoj tielnomite sensolvaj [7]; sensolve diskuti.

2.

[8] Ago solvi¹: la politikistoj estas tro okupataj ĉe solvo de ĉiutagaj problemoj por interesiĝi pri nia afero [9]. solvado

3.

[10]solvaĵo

solvado

Ago solvi: tiuj ĉi metodoj estas uzataj por [...] solvado de medio-protektaj problemoj [11].

solvaĵo

Tuto de la solvita substanco kaj de la ĝin solvinta likvo: diluita, koncentrita solvaĵo; solvaĵo de natria klorido en akvo. solvo³

solvanto

[13]solvilo

solviĝi

Iĝi solvita: [la volatilaj oleoj] ne solviĝas en akvo, nur en alkoholo, etero, kaj certaj aliaj organikaj solviloj [14]; tio, kio komence ŝajnis plej mistera, solviĝis unua [15]; en [la tago de la Sinjoro] la ĉielo forpasos kun muĝa bruego, kaj la elementoj brulante solviĝos [16]; la enigmo simple solviĝas [17].

solvilo

Ĉia likvo kapabla solvi ^2.b aliajn substancojn: mi ŝprucigis sur la internon de la kamioneto la solvilon „Senspurigil“, kiu detruas fingropremaĵojn [19]. solvanto

desolviĝi

Deiĝi pro solvado en iu likvo: kiam [...] la ekstera falsbrilaĵo desolviĝas, tiam oni pentas pri sia nesingarda elekto [20].

dissolviĝi

Malaperi, diseriĝi: se la surtera loĝejo de nia tabernaklo dissolviĝos, ni havas [domon] eternan en la ĉieloj [21]; [la malnova pilko] duone dissolviĝis de la trapenetrinta akvo [22]; la korpo dissolviĝas, kaj la animo... kio ĝi estas? [23]; la fantomoj dissolviĝis en nebulon [24].