tradukoj: be bg ca de el en es fa fr hu it nl pl pt ru sk

^*ĉel/o [1]

^*ĉelo

1.

Ĉambreto por unu persono, malgranda ejo ĉiuflanke fermita: ĉelo de monaĥo; en sia ĉelo li pasigis longajn horojn preĝante, lasis razi sian kapon, surmetis pastrajn vestojn kaj kvar fojojn ĉiutage partoprenis en la ĥoro de la malsuperaj pastroj [2]; (frazaĵo) li havas nek ĉelon, nek kelon [3]. kamero¹

2.

Malgranda kavo aŭ truo, precipe tia kiu estas unu el multaj similaj kaj regule aranĝitaj: oni aŭdas de matematikistoj ke abeloj praktike solvis profundan problemon, kaj faris siajn ĉelojn ĝustaformaj por enteni la plej grandan kvanton de mielo kiu eblas, per la malpleja uzo de altvalora vakso en ilia konstruo kiu eblas [4]; la memorĉelo h estas okupata nur por la daŭro de tiu bloko [5]. fako¹, alveolo

3.

Elementa viva sistemo, kapabla je memstara aŭ aŭtonoma ekzistado, reproduktado kaj evoluo; la baza ero de la strukturo de la vegetaĵoj kaj bestoj: la ĉelojn kiuj ekzistas kiel apartaj organismoj oni nomas unuĉeluloj; la ĉeloj de plurĉeluloj formas histojn; tipa ĉelo konsistas el membrano kaj protoplasmo (kun nukleo¹).

4.

La unuaŝtupa, plej malgranda organizaĵo en iuj politikaj partioj.

ĉelaro

histo

gliĉelo, glioĉelo, glia ĉelo

Iu el la nervoĉeloj, kiuj ŝirmas kaj nutras la neŭronojn, kaj kiuj konsistigas la glion: la nerva histo konsistas el du ĉelspecoj de sama deveno: la nervoĉeloj kun pli-malpli longaj fibroj, elirantaj el ili, kaj la glioĉeloj ankaŭ kun fibroj [6]; la gliaj ĉeloj estis malkovritaj en 1891 [7].

limfoĉelo

Eta blanka sangoĉelo kun granda kerno kaj laŭspece diversaj imunigaj funkcioj: 2 jarojn post la terapio la elcento de B-limfoĉeloj estas normala por 3 kuracitoj [8].

nervoĉelo

Ĉelo funkcianta en la nervosistemo: „La aktiveco de nervoĉeloj“ [9].

plasmoĉelo

Speco de blanka sangoĉelo, kiu kreas antikorpojn: la establiĝo de cisticerkoj en diversaj histoj kaŭzas alergian inflamreagon, kiu montriĝas ... per amasiĝo de ĉel-infiltraĵoj, kiuj konsistas el ... limfocitoj, plasmoĉeloj kaj ankaŭ gigantĉeloj [10]

plurĉelulo

Organismo vegetaĵa aŭ besta, kiu konsistas el pluraj ĉeloj, formantaj diverasfunkciajn histojn: poste biologoj plibonigis tiun sistemon, en kiu malsupre troviĝas unuĉeluloj kaj supre troviĝas kompleksaj plurĉeluloj [11].

unuĉelulo

Simpla organismo vegetaĵa aŭ animala, kiu tuta konsistas el unu sola ĉelo.

blanka sangoĉelo

Limfo- aŭ sangoĉelo aganta kontraŭ infektoj; leŭkocito: mjelo dum la tuta nia vivo produktas ruĝajn, kaj blankajn sangoĉelojn [12].

ruĝa sangoĉelo

Sangoĉelo kiu al korpaj histoj portas oksigenon, kaj de ili deprenas karbondioksidon; eritrocito: dum kosmovojaĝo kosmonaŭtoj perdos ostokalcion kaj suferos de muskola atrofio kaj reduktiĝo de ruĝaj sangoĉeloj [13]