tradukoj: be cs de en es fr nl pl pt ru

^*difin/i

^*difini

1.

Precize klarigi, koncize priskribi la signifon de vorto, ideo, koncepto ktp per ties karakterizaj ecoj: Kio estas foirismo? Ni legu unue, kiel ĝin difinas foiristoj mem: ... [1]; demandite, kio estas inteligento, multaj respondas ke ili ne povas difini tion, sed ke ili facile ĝin rekonas.

2.

Precize fiksi aŭ konigi la karakterizajn ecojn, naturon, rolon aŭ limojn de io: havi difinitan formon; la sufikso „um“ ne havas difinitan sencon; ni iras al celo klare difinita kaj nepre atingota^Z. difini salajron, premion, rendevuon; en la difinita tempo [2]; oni ne devas difini severajn regulojn por tiuj detaloj ^Z; difini komitaton por esplori aferojn; niaj infanjaroj ofte difinas nian estontan vivon. determini, destini, fiksi, asigni, atribui

3.

(arkaismo) = Determini²: la adjektivo difinas la substantivon kaj la adverbo difinas la verbon.

difino

Klarigo, ebliganta difini ion: difino de la triangulo, de la vorto „demokratio“.

difina artikolo

Artikolo indikanta ke koncerna vorto jam renkontiĝis en la antaŭa teksto aŭ estas situacie konata al la aŭskultanto aŭ leganto.

sendifina modo

= Infinitivo.

antaŭdifini

Anticipe difini: Kristo Jesuo, kiun Dio antaŭdifinis kiel repacigilon per fido en lia sango [3].

  Estus pli bone fari kiel en PIV1, nome difini la derivaĵojn
  ~a kaj sen~a kaj doni "~a artikolo" kaj "sen~a modo" kiel ekz-ojn.
  [MB]