tradukoj: be br cs de en es fr he hu it nl pl pt ro ru sv tp vo

^*jun/a

^*juna

1.

Kiu estas en la komenca fazo de sia vivperiodo, ankoraŭ kreskanta aŭ disvolviĝanta, ne tute maturiĝinta: juna virino, knabo, ĉevalo, bovido, folio; lernu juna, vi scios maljuna [1]; tio vere estas juna pizo, kiu elburĝoniĝis kun siaj verdaj folietoj [2]; la ĉitiea Esperanto-movado estas tre juna; la pli juna filino [3]. nova¹
Rim.: La frazo mi gratulis ... la junajn geedzojn [4] estas dubinda: ĉu temas pri la aĝo de la geedzoj (kaj tiusence ĝi estus tute bona: gratuli la junajn geedzojn pri la naskiĝo de ilia unua infano), aŭ eble „la junaj geedzoj“ estas tio, kion en la moderna Esperanto oni nomas novgeedzoj?

2.

juneca oni povas esti juna ĉe la kvardeka jaro, kaj maljuna ĉe la dudeka; ŝi rejuniĝis post sia edziĝo.

3.

Antaŭ nelonge farita kaj ankoraŭ ne matura ― ne akirinta la plenan forton, la guston ktp: juna vino, fromaĝo. lakto, ŝelo

juneca

Rilata al juneco; havanta la trajtojn de juneco: viglecon, ardon, freŝecon ktp: tiu juneca fervoro de la maljuna esperantisto.

juneco

Tempo de la vivo inter la infaneco kaj matura aĝo: en sia plej delikata juneco; afekti la junecon; la juneco rapide forpasas; (figure) tio estis ankoraŭ la juneco de la mondo.

^*junulo

Juna virhomo, precipe tia, kiu jam estas seksmatura sed ankoraŭ ne plenkreska: kaj el la knabo fariĝis junulo, kaj li devis forveturi en la malproksiman mondon [5]; kaj ili ekstermis per glavo ĉion, kio estis en la urbo, la virojn kaj virinojn, junulojn kaj maljunulojn [6]; junuloj estu dece silentaj apud pliaĝuloj, kaj sidigu ilin kaj stariĝu por ili, kaj prizorgu siajn gepatrojn [7]. EURO-26 estas havinda karto, kiun povas ricevi gejunuloj en la aĝo 14–26 jaroj sendepende de sia statuso [8]; plejlaste, la 18an de junio 2003, la „Stones“ furoris denove en Vieno, frenezigante 54000 junulojn kaj plenkreskulojn [9]; la junulo aliĝis al nia militistaro [10]; junulaj jaroj^Z; la reĝo aranĝis festenon kaj invitis ĉiujn belajn junulinojn de la tuta lando [11].

junularo

Ĉiuj junuloj aŭ junulinoj: pli bone estos, se tion faros Luka Lukiĉ, kiel kleriganto de la junularo [12].

^*maljuna

Atingita sian maljunecon: maljuna avo, amiko, vino, amikeco, hundo, arbo; la ĉagrenoj maljunigas^B; aspekti kiel maljuna pomo^Z.
Rim.: La frazo tiu ĉi patrino varmege amis sian pli maljunan filinon [13] ne estas imitinda ― en la matura Esperanto oni diras „pli aĝa filino“. arkaika, kaduka, malnova, ruina

maljuneco

Vivperiodo post la matura aĝo, kiam okazas iompostioma velkado, malfortiĝo de la vivfunkcioj de la organismo: ĝis la maljuneco kaj grizeco ne forlasu min [14]; juneco ne scias, maljuneco ne povas [15].

maljuniĝi

Laŭ la tempo iĝi maljuna: kiam vi maljuniĝos, vi etendos viajn manojn, kaj alia vin zonos [16]; la nacioj maljuniĝas kiel homoj. kadukiĝi

^*maljunulo

Maljuna viro: tiu ĉi maljunulo tute malsaĝiĝis kaj infaniĝis [17]; maljunulaj faltoj^Z; la maljunulino staris antaŭ la pordo [18].