tradukoj: be de en es fi fr he hu it nl pt ru sv

^*kaĉ/o [1]

^*kaĉo

1.

Manĝaĵo simila al mola pasto, farita precipe el faruno miksita kun likvaĵo aŭ el legomoj longe kuiritaj kaj duonfluecigitaj per akvo: kaĉo da fazeoloj, terpomoj; faruna kaĉo por infanoj; tro da kuiristoj kaĉon difektas (malbona rezulto pro tro multaj kunlaborintoj) [2]. buljono, griaĵo, kompoto, supo

2.

(figure) Io konfuza, ĥaosa, senorda miksaĵo, en kiu oni ne plu vidas la strukturon de la konsistigaj partoj; ĝena situacio rezultanta el konfuzo aŭ miskompreno: (frazaĵo) kiu kaĉon kuiris, tiu ĝin manĝu (oni responsu pri siaj faroj) [3]; el faraĉo fariĝas kaĉo^Z; do, mi diris al mi: „Jen vi sidas en la kaĉo! Ĉi tie vi mortos sur ĉi tiu malbenita insulo“ [4]; tiu ĉi kaĉo da problemoj, mankoj kaj absurdaĵoj fine kondukis al pereo de la ŝtatkapitalisma Sovetio [5]. ĥaoso ²

3.

(figure) Io simila al kaĉo: kota, sanga kaĉo. ŝlimo

maizkaĉo

Kaĉo el maizfaruno: foje okazis, ke el la maizkaĉo restis ero sur la tablo, kaj tiom da muŝoj flugis sur ĝin, ke ili estus povintaj manĝi la tutan maizkaĉon [6].