tradukoj: be cs de en es he hu pt ru

^*konvink/i [1]

^*konvinki

Fari per pruvoj aŭ rezonoj, ke iu kredu kaj akceptu ion kiel veran aŭ pravan: li faris al ili klarigon atestante la regnon de Dio kaj penante konvinki ilin pri Jesuo [2]; en mallonga tempo vi konvinkos min fariĝi Kristano [3]; la pruvoj konvinkas nur la spiriton, sed ne la koron; la praktiko konvinkis min, ke...^Z; konvinki iun pri kulpo, krimo (plenpruvi iun kulpa pri); esti konvinkita pri ies senkulpeco pruvi, persvadi, argumenti, evidentigi.

konvinko

Firma opinio, estiĝinta en ies menso surbaze de iuj ideoj, pripenso, konvinkiĝo: kun antaŭe jam preta konvinko ke la afero [...] estas neplenumebla [4]; mi venis al la firma konvinko, ke...^Z; tuŝu la religiajn konvinkojn de neniu^Z; rokofirma konvinko; konvinkaj pruvoj, faktoj, dokumentoj; nia afero konvinke montris sian fortecon kaj sanecon^Z. kredo

konvinkiĝi

Akiri konvinkon; certigi al si: David sendis esplorrigardantojn kaj konvinkiĝis ke Saul efektive venis [5]; tiam Manoaĥ konvinkiĝis ke tio estis anĝelo de la Eternulo [6]; proprokule konvinkiĝi pri io certigi, kontroli.

konvinkiteco^Z

Stato de menso, al kiu io estis pruvita kiel vera: ŝi parolis tion kun plena seriozeco, sen ia eĉ plej malgranda ŝerco aŭ ironio, per voĉo de plena konvinkiteco [7].