tradukoj: be de en es fr hu it nl pl pt ru sv

^*pik/i [1]

^*piki

1.

Pli malpli profunde enigi pinton en ion: piki al si la fingron per kudrilo; piki ĉevalon per sprono^Z; (figure) minaretoj pikas en la aeron; pike kaj tranĉe bati; la junulo lin trapikis (pikante traboris. pinglo) per glavo kaj li mortis^Z; trapiki truon en folio^Z; korvoj elpikos (eltiros pikante) al li la okulojn^Z; enpikita skribo (tatuo); la ĉielo estis trapikita (punktita) de steloj.

2.

(figure) Akre eksciti la sentojn: la frosto pikas la vizaĝon; piki al iu la vundan lokon [2]; (figure) piki al iu la okulojn^Z (tute malplaĉi, ĉagrene inciti).

a)

(figure) Koleretigi, inciti, vundeti: tiu krio pikis (ofendetis) la reĝon ^Z; tiuj formoj pikas (malplaĉas); al vi oni predikas, kaj nin oni pikas [3]; min pikas (maltrankviligas) la dubo, ĉu...; mallaŭdo pikas (stimulas) la noblajn korojn; geamantoj sin pikas (petole incitas) [4]; pikparolo^Z. provoki, spiti

b)

(figure) Viglige kaj agrable eksciti la sentojn: mustardo pikas la langon; pikanta ŝerco, bildo, novelo de Boccacio^B; la pikanteco en la situacio ridigis ĉiujn; pikspirita fraŭlino.

pika

(figure) Agrable vigla, inciteta: la pika, morda, sagaca ironio de Voltaire; pika originaleco de la stilo.

piko

1.

Ago piki aŭ rezulto de tiu ago: pikoj de kudrilo^B; pikoj de arda suno, de malvarmo.

2.

(figure) Io, kio pikas ^2.a: pro vorta piko ofte perdiĝas amiko [5]; piko de konscienco (pento). incito

3.

Ludkarta emblemo, signata per nigra figureto, simila al fera lancopikilo (♠): ĉiuj damoj, la karoa, kera, trefa kaj pika [6]. kero, karoo, trefo

pikema

(figure) Sprite, incite mokema.

pikilo

1.

Ilo por piki ¹.

2.

Organo per kiu insektoj pikas.

pikbastono

Montbastono.

pikstango

Armo konsistanta el ligna stango finiĝanta per fera larĝa pinto. halebardo, lanco

      Kontroli trad be, de, hu, nl, faritajn antaux
      splitado de la senco "incito".
      [MB]