tradukoj: be de en es fr hu nl pt ru

^*projekt/o

^*projekto

1.

Ideo proponata kiel efektivigota: li faras ĉiam belajn projektojn, kiujn li forgesas la morgaŭon; kiuj estas viaj projektoj por la somero?^B intenco, volo
Rim.: Tiun difinon kaj ekzemplojn mi opinias malbonaj. Laŭ mia lingvosento projekton oni faras ne nur por si mem, sed ankaŭ por la aliaj (kiuj ĝin akceptu), dum planon oni povas fari kaj por sia persona uzo (plano de verkota romano, de feria vojaĝo), kaj por la aliaj. [Sergio Pokrovskij]

2.

Propono prezentata al instanco aŭ al la publiko kiel plano por efektivigi ideon: projekto de reorganizo de l' esperantistaro; ofte aperas diversaj, rapide bakitaj kaj rapide mortantaj lingvaj projektoj kaj projektetoj^Z. programo¹, plano¹

3.

Teksto proponata al kompetenta instanco kiel bazo de definitiva decido: projekto de leĝo; la projekton de la Bulonja rezolucio verkis Zamenhof; viajn rimarkigojn pri la normoprojekto sendu al la indikita adreso. malneto

4.

La tuta teĥnika dokumentaro, entenanta precizajn kaj definitivajn decidojn, priskribanta la konstruon de koncerna produkto por la celo de ties realigo, la kostojn kaj la tempolimojn; la desegnaĵoj, la kalkuloj, la klarigoj ktp, necesaj por fabrikado aŭ konstruado: projekto de ponto^B; laŭ la projekto de la inĝenieroj tiu ĉi fervojo estas konstruota en la daŭro de du jaroj [1].

projekti

1.

Intenci fari ion klare difinitan: ĉi tiu serio iasence estas provo ŝtopi la breĉon lasitan por la neplenumo de antaŭmilite projektita „Franca Antologio“ [2].

2.

Fari projekton⁴: Japanio projektis kaj parte realigis novan grandan insulon surloke de iama Mariana Insularo [3]; la nova stadiono, projektita de Kenzo Tange [4].

lingvoprojekto

Prezento de la bazoj de arta lingvo ankoraŭ ne uzata: la studentoj, sen iu ajn antaŭprepariĝo, dum seminaria horo devis skizi la bazon de propra, surloke inventita lingvoprojekto [5].