tradukoj: be de en es fr hu nl pl pt ru

^*intenc/i

^*intenci

Konscie kaj klare ekvoli fari ion en nedifinita tempo: intenci fari ion^Z; li intencis plibonigi sian konduton, sed lia volo estas tro malforta; intenci malbonon^Z, malicon^Z, ian friponaĵon; jam de longe mi intencas viziti vin, sed mi nescias, ĉu mi povos dum tiu ĉi monato. celi, plani, projekti ¹, proponi al si, voli

intenco

Konscia movo de la volo celanta ion: intenco en la koro de homo estas profunda akvo, sed homo saĝa ĝin elĉerpos [1]; havi^Z, prepari^Z bonajn, malbonfarajn intencojn^Z; intencoj fortikiĝas per konsilo [2]; malkaŝi sian intencon al amiko; estas for de mi tia intenco.

intenca

Konscie volita: tio estas intenca mallertaĵo; sabotado kaj intenca malhelpado [3]; parenc' al parenco ne malhelpas intence [4]; tutintence mi parolas laŭte.

bonintenca

Havanta bonan intencon: bonintenca sed vana klopodo.

bonintenco

Deziro helpi, bone agi: li ... atestadas sian fratecan bonintencon, por forturni la atenton pri siaj malamikaj kaŝintencoj [5].

kiel intence

Malprobable kaj tamen reale, kvazaŭ iu intence farus: kiel mi timis, ke vi venos dum mia foresto! Kaj, kiel intence, tio ĉi okazis ĝuste tiel [6]. koincido

malbonintenca

Malica, plananta misaĵon kontraŭ aliaj homoj: malvirtulo malbonintencas kontraŭ virtulo [7]; malpacienculo faras malsaĝaĵojn kaj malbonintenculo estas malamata [8].

malbonintenco

Deziro estigi mison aŭ malfeliĉon: li ĵetis sur lin ian objekton sen malbonintenco [9];

senintenca

Nekonscie, nevole farita: senintenca mortigo; mi devas ŝajni senintenca^Z (aganta senintence).

^*senintence

Nevole, ne celinte la efektivan rezulton: al homo, pekinta senintence, Dio facile pardonas [10]; pardonu, ke mi puŝis vin, ĉar mi tion faris tute senintence.

^*intence

Vole, celinte la efektivan rezulton: Sed tute ne ekzistas ia deziro iel trompi la ekzamenatojn aŭ intence enkonduki malfacilaĵojn ^{ILEI ekzamenoj - opiniop de Maxey}; Ni intence ne ĝisdatigis la tekston. Kiuj komentoj estas jam iom malaktualaj? ^{Energi-formoj. Respondoj.};