tradukoj: be de en fr hu id nl pl pt ru tp

^*religi/o

^*religio

Ideologio kaj praktiko de rilatoj inter la homo kaj la transmondo, supernaturaj estuloj, vivo kaj morto, la bazaj valoroj kaj moroj: etna, monda, ŝtata religio; Mi kredas, ke ĉiuj gentoj estas egalrajtaj partoj de la homaro, kaj mi taksas ĉiun homon nur laŭ lia persona valoro kaj agoj, sed ne laŭ lia deveno. Ĉian ofendadon aŭ persekutadon de homo por tio, ke li naskiĝis de alia gento, kun alia lingvo aŭ religio ol mi, mi rigardas kiel barbarecon [1]; En mia infanaĝo mi kredis je Dio, kaj je senmorteco de l'animo, en tiu formo, en kiu instruas mia denaskiĝa religio> [2]; en la lasta tempo oni ofte parolis ... pri la nova religio, kiu jam disvastiĝis en ĉiuj pli sudaj landoj [3]; kvankam ĉiuj ekzistantaj religioj parolas pri kunfandiĝo de la homaro, ne sole neniu el ili donis ian rimedon, por tion ĉi atingi, sed kontraŭe, ĉiu el ili rekte malhelpas tiun ĉi kunfandiĝon: ĉiu el la religioj ja diras, ke ĝi estas donita tuta de Dio, sekve tute konsekvence ĉiu religio devas rigardi ĉiujn alireligiulojn kiel pekantojn kontraŭ la ordonoj de Dio, kaj la akcepton de iaj aliaj religiaj formoj krom ĝiaj ĝi devas rigardi kiel krimon kontraŭ Dio [4]. budaismo, islamo, judismo, kristanismo, paganismo. eklezio, fido, konfesio, kulto, rito, sekto

religia

Apartenanta al la religio, koncernanta la religion: religia dogmo, verko, konscio; religia milito; religia komunumo, grupo, ordeno, lernejo.

religiulo

1.

Homo serioze kaj profunde religia: ĉiu vera religiulo, humanisto aŭ framasono, kiu el la anaro de la parolantoj kaj revantoj transiras al la anaro de la efektivigantoj, fariĝas per tio „homarano“ [5]; Infano de oficiale deklarita senreligiulo neniam povas havi en la koro tian feliĉon, tiun varmon, kiun al aliaj infanoj donas la preĝejo, la tradiciaj moroj, la posedado de Dio en la koro [6]; „Liberiga Stelo“ forpuŝas el sia mezo militistojn kaj dogmajn religiulojn [7]; kiuj neniam aŭdas alian vidpunkton, ol tiun, kiu estas defendata en la organoj de ilia partio, tiuj riskas fariĝi kredemuloj, similaj al religiuloj [8].

2.

(evitinde) Ano de religia ordeno aŭ kongregacio; monaĥo.
Rim.: Tiusenca vortuzo estas nelogika kaj nekomprenebla por ne-okcidentano. [Sergio Pokrovskij]

^*samreligiano

Ano de la sama religio kiel aliaj koncernatoj: la konfesantoj de unu religio estas samreligianoj [9]. samkonfesanto