tradukoj: be cs de en es fr hu nl pl pt ru sk sv tr

^*port/i

^*porti

1.

Subteni pezan objekton: la pastroj ... portas la keston [1]; plenigu la sakojn de tiuj homoj per greno tiom, kiom ili nur povas porti [2]; porti infanon en la brakoj; porti valizon sur sia ŝultro; arbo portanta fruktojn; unu el ili [la cikonioj] estis tiel laca, ke ĝiaj flugiloj jam apenaŭ povis ĝin porti [3]; (figure) li konsentas porti ĉiujn elspezojn.

2.

alporti ¹ porti leterojn ĉe la poŝtejon, infanon hejmen; li ordonis, ke oni portu tion en la grandan salonon^Z; (figure) porti al iu sciigon^Z; (figure) ĝis maro fluu mia sang', portante malbenon al la bordo de l' barbaroj^Z.

3.

Havi sur si aŭ kun si, kutime aŭ ne: en la mano li portis bastonegon [4]; li portas rozokoloran superveston [5]; ĉiu volas porti grandegajn perukojn [6]; porti la verdan stelon^Z; en la poŝo de mia pantalono mi portas monujon [7]. (figure) hundo bojas, vento portas la bojon^Z; (figure) se via spir' en si venenon portus^Z; (figure) mi portas la nomon Petro. kunporti ¹

4.

Senti sur sian konsciencon ian moralan pezon: vi portos la sekvojn de via senatento; porti grandan respondecon; la tuta gento portas sur si la koleron de la dioj^Z; li portas sur si la kulpon de parencmortigo^Z.

5.

Havi sufiĉan forton por ne esti premegata de morala pezo; toleri: porti sian malfeliĉon^B; sorton malsaĝuloj timas, saĝuloj portas; porti la ŝarĝojn de la homa vivo^Z.

6.

Havi ian senton en sia koro: en mia brusto portas mi deziron malnovan^Z; mi portas por vi amon varmegan en mia koro^Z; li estas tre ekkolerema ...; tamen li ... ne portas longe la koleron [8].

portiĝi

Flugpendi, ŝvebi: grizaj nuboj portiĝis en la aero^Z; dramo el la vivo preterportiĝas (ŝvebas, flugas) antaŭ ŝia spirito [9].

portilo

Aparato por porti objektojn aŭ personojn: antaŭiris du kuristoj kun bastonoj kaj du kun torĉoj; post la portilo iris kvar servistoj [10].

portisto

Homo, kiu metie portas pakaĵojn aŭ ŝarĝojn: ĉesis ĉiuj laboroj, eĉ la portistoj ne portis la ŝarĝojn [11]; ili fariĝas portistoj, lavistoj de veturiloj, ŝuistoj kaj etvendistoj [12].

^*alporti

1.

Preni kun si kaj iri por demeti en alian lokon: ĉu oni jam alportis la leterojn? pano estas alportita, korbo estu forĵetita [13]; alportu al mi metron da nigra drapo [14]; la ŝipo, kiu al ni alportis la fremdulojn^Z; alporti oferon^Z; alporti sciigon^Z; alporti konsilojn^Z al; (figure) unu hirundo printempon ne alportas [15]. porti ²

2.

Havigi al iu; produkti, kaŭzi: alporti profiton, perdon, rezultaton, kontribuon, helpon^Z; alporti subtenon al iu; kelka libereco alportas al ni nenian malutilon^Z; senlaboreco dormon alportas [16]; la acida manĝaĵ' al li alportas nur la morton^Z; muziko alportas al mi multe da plezuro. doni, estigi, liveri, naski, rezultigi

ĉirkaŭporti

Porti ĉiuflanken: [oni] kuris tra tiu tuta regiono, kaj komencis ĉirkaŭporti la malsanulojn sur iliaj litoj tien, kie ili aŭdis, ke [Jesuo] estas [17]; apud la tablo oni multe manĝis kaj multe trinkis: Manjo ĉirkaŭportis anseron, poste malvarman porkidon kun kreno, poste sturgon [18].

disporti

Al diversaj lokoj porti: negroj kaj negrinoj disportis la manĝaĵojn al la gastoj [19]; disporti sciigon en la tutan urbon.

elporti

1.

Preni kun si kaj iri por demeti eksteren: balaaĵon el korto eksteren ne elportu [20]; (figure) mi elportas el via urbo la plej bonan rememoron^Z. eksporti.

2.

Toleri ĝisfine: elporti sola tiom da feliĉo kaj tiom da suferoj mi ne povas^Z; li ne povis plu elporti la vidon de tiu malĝojo^Z; ne povi elporti la kostojn; neelportebla doloro; ni vane elportis tiujn terurajn oferojn^Z. elteni

enporti

Internen porti: en la kelon estis enportita fasko da vakskandeloj^Z; enporti koton hejmen; (figure) enporti konfuzon en nian mezon^Z; (figure) trans la sojlo vi enportos denove ĝojon^Z; (figure) per tio ĉi [reguloj por vortofarado] mi enportis grandegan ekonomion rilate la nombron de la vortoj ellernotaj [21]. importi

forporti

Forigi portante: forportu vian pakaĵon kaj havaĵon [22]! forportante sanktan la trezoron, ni forkuru^Z.

kunporti

1.

Porti kun si, sur si unu aŭ plurajn objektojn: kunportu vian fluton; li serĉis en la tuta domo ion, kion li povus kunporti, sed trovis nur fromaĝon kaj metis ĝin en la poŝon [23];

2.

Porti kunen, kunigi, amasigi plurajn objektojn: Arne kaj la knabinoj ... kunportis lignon al la ŝtona forneto [24].

3.

Porti kune kun aliaj personoj: bonvolu kunporti kun mi la tablon supren.

leterportisto

Oficisto, kiu portas poŝtaĵojn al la ricevontoj: subite aliris al mi la leterportisto kaj transdonis al mi leteron [25].

reporti

Denove alporti tion, kion oni jam forportis: la kompanio enkondukos novan botelon, por kiu ĝi kalkulos kromprezon, poste repagotan se oni reportas la botelon [26].

subporti

Porti estante sub io.

transporti

Transen porti; porti de unu loko en alian: transporti meblojn de domo en alian; la mesaĝista ribonukleata acido, kies molekuloj transportas la informojn el la DNA ... al la ribosomoj [27]; la ebrieta ŝtelisto decidis, ke estas tro lacige piedire transporti la ŝtelaĵojn [28]; poste oni transportis lignon per fervojo kaj kamionoj [29].

transportilo

Veturilo aŭ ajna rimedo, kiu helpas transporti aĵojn aŭ homojn: la publiko ne sufiĉe konsideras la eksterajn kostojn de transportilo: polucion, bruon, klimatŝanĝon kaj akcidentojn [30].

transportisto

Komercisto kiu diversrimede vojigas komercaĵojn al malproksimaj aĉetintoj: tiu teksto estas regularo uzata en la tuta mondo de komercistoj, juristoj, transportistoj kaj asekuristoj [31].

aertransporto

Sistemo de transportado de pasaĝeroj kaj komercaĵoj per avioj.