tradukoj: be de en fa fr he hu it ja la nl pl pt ru sk

^*verŝ/i [1]

^*verŝi

1.

Fluigi fluaĵon el ujo: verŝi vinon el botelo en glason, inkon en inkujon; verŝi ies sangon^Z; verŝi larmojn; verŝi akvon al maro^Z (vane peni).

2.

Abunde meti aŭ ĵeti sur: la suno verŝis oran lumon^B; la luno verŝis bluan lumon sur la arbaron^B; de la tuta ĉielo alaŭdoj verŝis siajn kantetojn^B; (figure) verŝi sian koleron egale sur malamikojn kaj sur amikojn^Z; verŝi insultojn sur iun^Z; verŝi ĉiujn favorojn sur iu(n); la 30-jara milito verŝis multajn malfeliĉojn kaj suferojn sur la lando(n). pluvigi.

3.

Abunde meti aŭ ĵeti en: ŝia boneco rapide verŝis en la koron de l' infano kuraĝon kaj konfidon^B; tiu sukceso verŝis freŝajn fortojn en la animojn; la Eternulo verŝis en ilin spiriton de konfuzo^Z..

Verŝisto (Aqr)

Ekvatora konstelacio kaj signo de la zodiako (Aquarius). Akvisto

ĉirkaŭverŝi

Ĉirkaŭigi verŝante: (figure) la hela suno [...] ĉirkaŭverŝis la homojn per varmoondoj [2].

disverŝi

Disigi per verŝado: disverŝi inkon sur paperojn^B; la larĝe disverŝita Volgo; (figure) disverŝi koloniojn en tutan mondon semi.

elverŝi

Malplenigi per verŝado: edzino pli elverŝas per funelo ol edzo enverŝas per sitelo [3]; valora rekompenco por via elverŝita sango^Z; de la manoj ĝis lipoj la sup' elverŝiĝis [4]; (figure) elverŝi sur iun sian koleron [5].

enverŝi

Verŝi en: trinku el la vino, kiun mi enverŝis^Z; rivero enverŝiĝis en la sovaĝan maron^Z; (figure) de la momento, kiam li aliĝis al nia anaro, en nian aferon enverŝiĝis ia nova energio^Z.

priverŝi, surverŝi

Malsekigi verŝante: priverŝi florojn^Z, vojon^B; ĉiun nokton mi priverŝas mian liton^Z; surverŝi sian panon per larmoj^B; (figure) la horizonton surverŝis ora koloro^B.

superverŝi

Tute kovri per verŝado: la plej malaltaj kampoj estas superverŝitaj^B; Nilo superverŝis tutan Egipton^B; (figure) la landon superverŝis ruĝo^B; pejzaĝo superverŝita per la sunaj radioj; blanka maro superverŝita de l' pala lumo de la luno^B; fremdaj elementoj superverŝis kaj dronigis en siajn ondojn la antaŭajn loĝantojn^B. bani, dronigi, inundi, saturi

korelverŝo

Klarigado, esprimado, konfido de siaj sentoj: libere elverŝi sian koron^Z (senĝene diri, kion oni pensas); paroli kun korelverŝado^Z; la prelego pri tabako transformiĝas en patosan korelverŝon pri lia malfeliĉa vivo [6].