tradukoj: be de en es fr hu nl pl pt ru sk

¹disk/o [1]

disko

1.

Plata, ronda objekto: disko de suno, de fervoja signalo; damluda disko.

a)

uzata en ĵetludoj: antikva helena statuo de diskoĵetanto.

b)

sur kiu estas registritaj iuj datumoj: sondisko; magneta disko, disketo; lumdisko.

2.

a)

[2]cirklo ².

b)

[3] (en la aro de kompleksoj) globo ^2.a.

diski[4]

Fingre kunmeti telefonnumeron per ciferdisko: F-ino Ueda tuj diskis la telefonnumeron kaj enmanigis la aparaton al D-ro Nakagawa [5].

disketo

Relative malgranda demetebla magneta disko uzata por datumtransportado aŭ konservado de malofte uzataj datumaroj: tiel nomatajn „3½-colajn disketojn“ la normo fakte difinas kiel 9-centimetrajn disketojn.

diskingo

Fendo en diskturnilo, tra kiu la uzanto instalas disketon (aŭ, simile, lumdiskon).

bluradia disko

Lumdisko el tria generacio kun enhaveco de 50 gigabitokoj: Blu-radia disko havas diametron de 12 centimetroj, same kiel DVD kaj KD [6].

fiksita disko

Diskaparato muntita en komputilon (kontraste al la demeteblaj disketoj kaj diskaparatoj).

kompakta disko, kompaktdisko, k-disko, KD-disko (KD)

Lumdisko el unua generacio kun enhaveco de proksimume 700 megabitokoj: en 1996 aperis nia unua kompaktdisko „Muzikpluvo“ [7]; la tuta k-disko „En la spegulo“ de la bando Persone estas nun senkoste elŝutebla [8]; ŝiaj KD-diskoj estis ... bone aĉetataj [9].

lumdisko

Diskforma datumportilo, funkcianta per lasera registrado kaj legado de datumoj: eblas registri sur lumdisko ĉion registrindan [10]; en recenzo pri la lumdisko „PoLimoRFiA ArKiteKnia“ ... mi retrovis mian nomon en esperantigo [11]; Belnuba Liu: Gaja lernado de Esperanto, lumdisko por Vindozo (Eldonis Xi'an-a Esperanto-Asocio); la lumdisko baziĝas sur la distribuaĵo Slackware [12]; oni povas pli aŭ malpli naturfidele aŭskulti lumdiskon per du aŭdiletoj [13].
Rim. 1: La terminon „lumdisko“, imitantan la koncernan terminon ĉinan (guang1pan2), proponis Lee Sau Dan. Simile, en la Islanda oni nomas ĝin „geisladiskur“ („radi-disko“, t.e. „laserradia disko“). Ĉi-momente (2005-12-12) Guglo donas 1640 trafojn por ĉi tiu termino en la Reto.
Rim. 2: Plej ofte, la kunteksto sufiĉas por kompreni, ĉu „lumdisko“ estas nurlegebla komputila lumdisko aŭ sondisko.

lumdiskego, DVD-disko (DVD)

Lumdisko el dua generacio kun enhaveco de 4 ĝis 17 gigabitokoj: se vi havas vian ŝatatan filmon en lumdiskego kaj volas nepre subtitoli ĝin, ankaŭ vi devas konverti la filmon al tiu formato [14]; necesis dividi la filmon je 2 DVD-diskoj [15].

magneta disko

Datumportilo en formo de disko tegita per magnetebla tavolo por registrado kaj legado de datumoj: skribi, registri datumojn sur magnetan diskon; legi, viŝi datumojn de magneta disko. disketofiksita disko

sferdisko

globtavolo

subdisko

Ĉiu el la membroj de dispartigita disko (precipe fiksita disko), ĉiu kun sia aparta dosiersistemo: tiu programo kreos du dosierojn ĉe via Vindoza subdisko por Linukso [17].

diskturnilo

Organo turnanta disketon kaj stiranta la kapetojn por skribi datumojn sur la diskon aŭ legi datumojn de sur la disketo.

diskaparato

Datumportilo konsistanta el magneta disko (aŭ pluraj tiaj diskoj samaksaj), la lega-skribaj kapetoj kaj ceteraj partoj meĥanikaj kaj elektronikaj, kune muntitaj en metala skatolo..
Rim.: Normale komputilo havas diskaparaton kiel sian fiksitan diskon; sed ekzistas ankaŭ demeteblaj diskaparatoj.

      Kontroli, ke la jamaj tradukoj plu validas.
      [MB]