tradukoj: be bg br cs de en es fr he hu ja ku la nl pl pt ro ru sv tr vo

^*flor/o [1]

^*floro

1.

Iu el floroplantoj : florpoto; antaŭ la pordego de la granda palaco ... troviĝas la bela ĝardeno kun la multo da floroj [2].

2.

Okulfrapa, kutime kolora, parto de planto, kun floroj ³: bukedo da floroj; flordesegna ŝtofo.

3.

Parto de floroplantoj kun la reproduktaj organoj: kaj lia floro defalos kiel ĉe olivarbo [3]; kiam la florado finiĝis kaj la floro fariĝis matura bero, Li detranĉos la branĉojn per tranĉiloj kaj deprenos la vinberbranĉojn [4]; ni rigardu, ĉu la vinbertrunko jam burĝonis, ĉu ĝiaj floroj jam malfermiĝis [5]; doni (naski) florojn^Z;

floropartoj: 1. stiluso, 2. ovario, 3. florfundo, 4. stameno, 5. korola folio (petalo), 6. stigmo, 7. pistilo, 8. kalika folio (sepalo), 9. flortigo (pedunklo, pedicelo)

4.

(figure) Florado, la plej bela kaj brila periodo de io: en la floro de la juneco, de beleco, de siaj jaroj.

^*flori

1.

Naski florojn ³: ekfloros kiel lilio [6]; la vegetaĵoj floras en printempo.

2.

(figure) Brile prosperi: ĝi forte ekfloros kaj triumfos, triumfos kaj kantos [7]; vivu kaj floru^B! floranta sano, aĝo, vizaĝo, knabina kapo^Z; en la florantaj tagoj de Romo; la artoj longe floradis en Grekujo; la komerco floras; la gajeco de l' vivo en mi neniam plu refloros^Z.

3.

(figure) Disvolviĝi simile al floroj: se la lepro disfloros sur la haŭto kaj la lepro kovros la tutan haŭton [8].

florado

1.

Stato de tio, kio naskas florojn; tempo en kiu naskiĝas floroj: tiu vegetaĵo havas malfruan floradon.

2.

(figure) Tempo de brila prospero.

floraĵo

Floro ³ aŭ floraro: en la alia fino de la ĝardeno staris laŭbo el belaj arbetaĵoj de kaprifolioj [kies] floraĵoj estis similaj al grandaj pentritaj kornoj [9]; la pomarboj staris tute kovritaj de floraĵo [10]; grandaj blankaj sambukaj floraĵoj [11]; ĉiu folio estis freŝa kaj suke verda kaj ĉiu floraĵo estis bela knabina kapo [12]; ekstere oni povis vidi blankruĝan pizan floraĵon plene elvolviĝintan [13]; la lino neniam povis levi sian malgrandan bluan floraĵon [14]; tie disvolviĝas la fajroruĝaj granataj floraĵoj [15].

floraro^Z

infloresko Kiel floraro de kofero estas por mi mia amato, En la vinberĝardenoj de En-Gedi [16]; laŭ la formo oni distingas inter cumaj kaj necumaj floraroj [17].

ekflori

Komenci flori.

forflori

Perdi siajn florojn, velki.

majfloro

Herba vegetaĵo kun bonodoraj sonoriloformaj floretoj, venena, genro el familio liliacoj (Convallaria): majfloroj en mia ĝardeneto [18]. konvalo

martofloro

Vegetaĵo kun blankaj sonoriloformaj floroj, kies ses egallongaj elipsaj petaloj havas flavan aŭ verdan makulon ĉe la pinto, specio el familio amarilidacoj (Leucoium vernum).

martofloroj

neĝofloro, neĝfloro

Specio de edelvejso (Leontopodium alpinum).

sunfloro

Alta herba vegetaĵo kun granda flava floraro, genro el familio asteracoj (Helianthus): maturaj sunfloroj ne turnas sin al la suno, nur la nematuraj [19]. helianto

sunfloroj (Helianthus annuus)

florfolio

Kalika aŭ korola folio de la floro.

floroplantoj, florvegetaloj

Grupo de la plantoj (Spermatophyta), reproduktiĝantaj per semgrajnoj, estiĝantaj el fekundiĝo kaj enhavantaj la ĝermon. semoplantoj