tradukoj: be bg br de en es fr hu nl pt ru sv

^*ombr/o

^*ombro

1.

Pli malpli plena manko de lumo, en loko, kiun maldiafana korpo ŝirmas kontraŭ la lumo: jam pli grandaj la ombroj falas de la altaj montoj; en la ombro de la nokto; la montoj ĵetis, etendis longan ombron sur la ebenaĵon; sidi en ombro de io; kie lumo ekzistas, ankaŭ ombro troviĝas (makulo, flanko 1) [1]; ombroj en pentraĵo (nigraĵoj aŭ malhelaĵoj prezentantaj ombron); (figure) tiu malfeliĉo ĵetis sian ombron (malĝojon) sur la tutan jaron; (figure) ĉirkaŭita de la ombro de morto; (figure) ombroj (zorgoj, maltrankviligoj) malheligas mian feliĉon; (figure) sin kaŝi en la ombro (sub protekto) de iu^Z. nubo, mallumo, nebulo, nokto, krepusko.

2.

Tiu malluma parto, konsiderata kiel reproduktanta la formon de maldiafana korpo: Petro Ŝlemil aŭ la viro, kiu perdis sian ombron; tiu timemulo timas sian propran ombron^Z; ĥinaj ombroj (ombroj de personoj aŭ objektoj projekciitaj sur ekrano); sekvi iun kiel lia ombro (neniam lin forlasi); la tagoj de la homo eatas kiel pasanta ombro^Z; la hormontra ombro^Z.

3.

Bildo de mortinta persono, aperanta en la memoro aŭ kredita kiel realaĵo: ŝia ombro ŝajnis klini sin al mia lito; en noktomeza silentego aperas ia ombro, simila tute al la patro via^Z; la lando de la ombroj (la Inferoj); mi esprimas funebran saluton al la ombroj de ĉiuj niaj karaj kamaradoj^Z; (figure) ŝi estas nur la ombro de si mem (pro malsano kaj malgrasiĝo). reaperanto, fantomo, spirito. okultismo.

4.

(figure) Malgrava ŝajno de io: ne estas eĉ ombro da danĝero; ne restis eĉ ombro da libero; sen ia ombro da dubo^Z; oni lasis al li nur ombron da potenco; ni devas severe eviti ĉion, kio povus prezenti ombron de interna malpaco^Z; la respondo ne havas eĉ la plej malgrandan ombron de ia ŝajna malkontenco aŭ riproĉoj^Z.

ombra, ombroplena

Estanta en ombro: ombra valo.

ombri

Ĵeti ombron sur ion: alta kverko ombris la ĝardenon; belaj vojoj ombritaj de maljunaj arboj (figure) frunto ombrita de zorgoj nubo

ombraĵo, subombro

Loko ombrita: promeni sub densaj ombraĵoj.

ombriĝi

Iĝi ombra: la tero ombriĝis de nigra nubego (figure) la morto tenis lin je la gorĝo kaj lia cerbo ombriĝis.

ombrumi

Marki per strekoj aŭ koloriloj, kiuj prezentas ombrojn en desegno aŭ pentraĵo.