tradukoj: be bg br cs de en es fr hu it nl pl pt ru

^*kur/i [1]

^*kuri

1.

(iu) Iri per movoj pli rapidaj ol marŝo: kuri kiel venenita muso^Z (rapide kaj ĉien); ŝi tuj kuris bati ŝin^Z; kuri post iu, al iu; la muso kuris sub la liton^Z; (figure) kuri en danĝeron^B. galopi.

2.

(io) Rapide moviĝi de iu loko al alia: la sunaj radioj venke kuris tra la spaco; nuboj kuras en la ĉielo; ŝtipoj, sur kies ŝelo kuras pala flameto^B; mono kuras al mono [2]; tremoj kuris sur mia dorso^B; (figure) la dormo kuris for de miaj okuloj^Z; (figure) sciiĝo kuris tra la urbo; (figure) larmoj elkuris al li sur la vangoj^Z.

3.

(io) Daŭri; iri seninterrompe: akvo kura (kuranta), akvo pura [3]; la vojo kuras sur varmaj valoj^B; ruĝa fadeno kuras tra la ŝtofo; en la kuranta (nuna) monato, jaro; la procentoj kuras jam de unu jaro; kuranta konto (por ne limigita tempo); deŝirita de la kura (ordinara, kutima) sorto de mia domo^Z;

kuro

Ago kuri: al la malamik' en kuro faru ponton kun plezuro [4]; lasi liberan kuron al sia fantazio^Z.

kurejo

Loko por kurado aŭ veturado.

a)

Sportejo aranĝita por kurado aŭ veturado: al ni, lernejoknaboj, ŝajnis kvazaŭ aŭtobuso riskis sur kurejo kontraŭ kur-aŭto [5]; en Lepsiko sur la ĉevalkurejo li ricevis senkoste – pro bonaj rilatoj al influaj personoj – kurson por rajdistoj [6].

b)

Ebena loko sur kiu flugaparatoj ekiras aŭ surteriĝas: la helikoptero alteriĝis meze de la kurejo [7].

kurigi

Igi iun aŭ ion kuri: li kurigis ĉiujn siajn servistojn por plenumi plej malgrandan deziron; kurigi malbonan famon pri iu^Z.

ĉirkaŭkuri

1.

Kuri ĉirkaŭ: la arbo estis jam tiel alta, ke la leporo devis ĉirkaŭkuri ĝin [8].

2.

(abs.) Kuri ĉiuflanken: [la mungo] ĉirkaŭkuris sur la tablo [9]; la servistoj jam komencis ĉirkaŭkuradi en la koridoroj [10]; (figure) tia penso ĉirkaŭkuris en mi senĉese [11].

dekuri

Malproksimiĝi de io kurante: li dekuris de la katedro kaj per siaj tutaj fortoj li ĵetegis la seĝon sur la plankon [12]; la kronprinco dekuris de la monteto kaj sidiĝis sur ĉevalon [13].

forkuri

Kuri for de iu aŭ io por lin aŭ ĝin eviti: li forkuris de sia kreditoro, tuj kiam li ekvidis lin; forkuri el malliberejo^B; (figure) la mallumo forkuris^B (ĉesis, finiĝis); (figure) la dormo forkuris de miaj okuloj^Z; (figure) la tro rapida forkuro de la tempo; (figure) sonĝo teruras, sonĝo forkuras [14]. fuĝi.

laŭkuri

Kurante sekvi la randon de objekto: (figure) [ŝia rigardo] laŭkuris de la piedoj ĝis la kapo la [...] figuron de la nova instruistino [15].

postkuri

Persekuti kurante: la Egiptoj postkuris viajn patrojn per ĉaroj kaj rajdantoj ĝis la Ruĝa Maro [16]; postkuri ŝteliston^Z; la postkurantoj serĉis sur la tuta vojo, kaj ne trovis [17]. ĉaskuri

trakuri

Trairi kurante: trakuri kampon; li trakuris per la okuloj la unuan paĝon^Z; du ekbriloj de fulmo trakuris tra la malluma ĉielo^Z; (figure) tiu penso trakuris mian animon kiel fulmo; (figure) famo trakuras la urbon; (figure) ondo da entuziasmo trakuris ĉies korojn. iri, flui, flugi.

transkuri

Trairi rapide kaj poste forlasi: rideto transkuris liajn lipojn; ni transkuru al alia temo.

ĉaskuri

postkuri ĉaskuri leporon.

vetkuro

Kuro inter sportaj konkurantoj.