tradukoj: be bg ca cs de en es fr hu it nl pl pt ru

^*flu/i [1]

^*flui

1.

Moviĝi seninterrompe malsupren laŭ deklivo (p.p. likvoj): la rivero rapide fluas; akvo fluas en riveron, tra truo de barelo^B; sango fluas en la korpo, el vundo; liaj larmoj torente, rivere fluis; fandita bronzo fluas en la modelilon.

2.

Amase, seninterrompe direktiĝi ien: mono fluas al riĉulo, batoj al malriĉulo[2]; ŝiaj abundaj haroj fluis en grandaj bukloj super la ŝultroj; el [tiu nebulo] rivere fluis nehomaj kriegoj [3]; en la landon alfluis pli kaj pli multnombre fremdaj elementoj [4]; alfluas fremdaj friponoj^Z; rigardi la preterfluantan homamason.

3.

(figure) Facile kaj glate trapasi de iu loko aŭ momento al alia: la vivo en la urbeto fluis unutone^B, trankvile; lia parolo fluas dolĉe kaj agrable [5]; la tempo fluis gaje [6]; en la aero fluis odoro de violoj [7]; el ŝiaj haroj fluis ebriiga odoro; benoj fluis sur la landon^Z; ondo da malvarmeta vento fluis (enblovis) en la ĉambron^Z. flugi, kuri, ruliĝi, verŝiĝi

fluo

1.

Movo de tio, kio fluas: la fluo de la rivero estas rapida; naĝi kontraŭ la fluo; senflua akvo; la fluo de la tempo, de la okazoj, de l' rememoroj.

2.

Io, kio amase kaj seninterrompe samdirektiĝas: fluo da homoj rapidas al la festo; tiu regiono tre altiras la fluon de la turistoj; diversaj fluoj da opinioj; mi ne povas kontraŭstari al la fluo^Z; [li] sin lasis kapti de l' ĝenerala fluo [8]; nova fluo da pensoj regis lin^Z; elektra fluo (kurento). ondo, rivero, torento

flua

1.

Fluanta: flua akvo .

2.

(figure) Facilmova, facila, senhezita, rapida: flua stilo; flue paroli^Z; feliĉo venas gute, malfeliĉo venas flue flue[9].

fluaĵo

1.

Fluema substanco, kiu facile ŝanĝas sian formon (kontraste al la solidoj) ‐ do likvo, gaso aŭ plasmo: akvo kaj aero estas fluaĵoj; la konduton de fluaĵoj priskribas la ekvacio de Navier-Stokes.

2.

(arkaismo) likvofluidaĵo

fluaĵa, flueca

De unu el la tri statoj de materio, inter la solida kaj la gasa, karakterizanta substancon, kiu pro granda movebleco de la molekuloj prenas la formon de la ujo entenanta ĝin, sed kies volumenon kunpremado povas apenaŭ ŝanĝi. likva

fluejo

Kavaĵo pli malpli profunda, en kiu fluas rivero.

fluema

Facile fluanta, kies molekuloj malmulte alteniĝas inter si kaj facile glitas unu sur alia, kiel okazas pri likvoj kaj gasoj.

fluemo

Kapablo de substanco ŝanĝi sian formon ĉe apliko de ekstera forto: ĉe la fluaĵo la fluemo manifestiĝas en ĉiaj kondiĉoj, ĉe la solidoj ĝi aperas kiam la forto superas certan sojlon.

malfluemo

Interna froto, kapablo de fluaĵo rezisti moviĝojn unuj ĝiaj partoj rilate al aliaj granda malfluemo de la ŝmiroleoj estas ŝuldata al la cikla strukturo de iliaj molekuloj.

alflui

Flui al iu loko: alfluas al tiu lago pluraj riveroj [10]; (figure) per lerta admono alfluas la mono [11] alfluo de la tajdo; (figure) alfluo da importitaj varoj [12].

alfluo

alfluo kaj forfluo

ĉirkaŭflui

Flui ĉe la ĉirkaŭo de: [ili] ploras super la riveroj de Babilono, ĉirkaŭfluantaj la ruinojn de ilia perdita bonstato [13]; (figure) abunda gasa lumo ĉirkaŭfluis tiun figuron [14].

deflui

Malproksimiĝi de io fluante: mi ĵetis ĝian polvon en la torenton, kiu defluas de la monto [15].

defluilo

Kanaleto servanta por forfluigi la pluvon, la malpurajn akvojn: tegmenta, strata defluilo^Z.

disflui

1.

Flui ĉiudirekten.

2.

(figure) Disiĝi, disvastiĝi: sonoj de flutoj disfluis en la silento; en la urbo disfluas paroloj alarmaj; la tuta popolo disfluis sur la placoj kaj stratoj [16]; en la mallumo disfluis (malaperis) la suproj de la kolonoj^B; la koloroj kaj formoj disfluas en neesto^B; mi disfluiĝos kiel ŝaŭmo sur la maro [17]. disflugi, disiri, perdiĝi.

elflui

1.

Flui el io: fonto elfluas el la monto.

2.

(figure) Eliĝi el io: el tiuj du faktoj jam per si mem elfluas la konkludo, ke...^Z; elfluos multaj profitoj el tiu fonto^Z.

enfluejo

Loko, kie rivero fluas en alian riveron, en lagon aŭ en maron.

interfluo

Reciproka interhoma rilatado per komerco, kulturaĵoj...: en la pasinta duona jarcento, vi aktive akcelis kulturan interfluon inter la du landoj kaj ludis specialan rolon al interkompreno kaj amikeco inter la du popoloj [18].

kontraŭflue

En direkto kontraŭa al fluo, kontraŭa al la natura, ĝenerala irado: ni iru kontraŭflue, restante en la akvo [19]. laŭflue

kunflui, kunfluiĝi

1.

Kuniĝi intermiksante siajn akvojn: Rejno kaj Mozelo kunfluiĝas.

2.

(figure) Kuniĝi: ĉio kunfluis en unu melodion [20]; espereble fariĝos iam kunfluiĝo de la homoj en unu ĉiuhoman popolon^Z.

kunfluejo

Loko, kie du riveroj kunfluiĝas.

laŭflue

Irante laŭ la direkto de fluo, laŭ la natura, ĝenerala irado: la boato ... rapide ekglitis laŭflue de la rivero [21]. (figure) ŝi ne volis lasi la aferojn flosi laŭflue [22]. kontraŭflue

sangalfluo

kongesto

superflua

(figure) Superanta la bezonon, superabunda: spesmilo superflua poŝon ne ŝiras[23]; tiamaniere grandega nombro da vortoj fariĝas superflua por la lernado^Z; de superfluo malboniĝas la ĝuo[24]; pri tio mi trovas superflue tie ĉi detale paroli^Z. malmanka, sufiĉega, troa

ŝprucfluo

Forta vento en la supro de la atmosfero, kiu signife influas la veteron: Dissendis la islanda ŝtata televido filmon pri la meteologia fenomeno nomata ŝprucfluo, t.e. rapida ventega fluo, kiu ok kilometrojn super la tero ĉirkaŭas la mondon [25]; Se la amplitudo estas malgranda, la fluo en la supraj okcidentaj ventoj estas latituda, orienten, same kiel la akso de la ŝprucfluo, kiu gvidas frontajn ciklonojn [26].

traflueti

Traguteti: pluvo trafluetis tra fendo de la tegmento. liki