tradukoj: be de en es fr hu nl pt ru sv uk

^*ond/o

^*ondo

1.

Akvomaso, kiu leviĝas kaj refalas ĉe supraĵo de maro, lago aŭ rivero blovata de vento; akvoŝvelo: la ondoj alfrapas, alplaŭdas la rokojn; la barketo estis glutita de terura ondego; la ŝaŭmantaj ondoj.

2.

Tio, kio leviĝas kaj malleviĝas kiel ondoj: la ondoj de flagranta flamo; la ondoj de virina hararo; lumaj ondoj; tritikaj spikoj rulis ondojn da oro [1].

3.

Tio, kio progresas per interrompitaj masoj kaj iom, post iom disvastiĝas, kiel ondoj: ondoj da promenantoj^B; ondo da varma vento^Z; ondo da revoj^Z; la fremdaj elementoj, dronigis en siaj ondoj la antaŭajn loĝantojn^B; atakondo; ondo da simpatio ekruliĝis tra la lando; tiam aperis granda strikondo; protestondoj leviĝis; li fluigadis ondojn da elokventeco. fluo

onda

Karakterizata per ondoj: onda movo, maro, hararo, flamo; la ondaj konturoj de drapiraĵo; onde rampi, moviĝi.

ondi^Z, ondadi^Z, ondiĝi^Z

Leviĝi kaj malleviĝi aŭ iom post iom disvastiĝi, kiel ondoj: ondas flamo (flagri); la ondanta amaso^B; ondis seninterrompe ĉeno da veturiloj^B; la popolo en senordaj grupoj ondadis tien kaj reen^Z; el centoj da gorĝoj ondas la konataj sonoj de l' himno; en mia brusto ondas malkviete kuraĝa entrepreno^Z; tra la tuta lando ekondas granda intereso por tiu afero; melodioj fluas trans la korton kaj ĉirkaŭondas nin; la plorego de l' ondiĝantaj lagoj^B; la spikoj ondiĝas^Z; en la profundo ondiĝadis palmaj arbaroj^Z; ŝiaj longaj haroj ondiĝadis ĉirkaŭ la kapo^Z; ondiĝantaj ŝtofoj; kontraŭaj sentoj ondiĝis en li boli, leviĝi, plaŭdi, ruli, ŝaŭmi, ŝveli

ondiĝo

Sinsekva leviĝo kaj malleviĝo de ondo: la ondiĝoj de la akvo, (figure) de la prezoj.

ondumi

Doni al io ondoformon: ondumi la harojn; ondumita lado.

ondobanejo

Banejo, en kiu aparato produktas ondojn por la plezuro de la banantoj.

ondobrila

Prezentanta kvazaŭ brilajn ondojn: ondobrila ŝtofo. muara

ondolinia

Havanta ondan konturon: ondolinia lando^B.

disondo

Sulko, kiun ŝipo lasas malantaŭ si.