tradukoj: be bg br ca de en es fr hu nl pl pt ro ru sv

^*pacienc/o

^*pacienco

Forto, kapablo trankvile elteni:

a)

atendadon (ekz-e de iu/io malfruanta, aŭ de evento, kies momento de okazo ne estas konata): havi, perdi la paciencon; li ne havis plu paciencon aŭskulti la plendojn [1]; atendinte kun pacienco li atingis la promeson [2].

b)

malbonon lin trafadantan (do atendadon de ties esperebla fino): vi pacience eltenis en la daŭro de dudek jaroj malgraŭ la multaj atakoj kaj malagrablaĵoj kiuj al neniu el vi mankis [3].

c)

pezan laboron (do atendadon de ties esperebla rezulto): per pacienco kaj fervoro sukcesas ĉiu laboro [4]; ili perdas ĉian paciencon, ĵetas la laboron kaj jam plu ne montras sin antaŭ la publiko [5].

pacienca

Havanta paciencon.

pacienci

Trankvile elteni, persisti, esti pacienca: (frazaĵo) Dio longe paciencas sed severe rekompencas [6].

malpacienca

Ne havanta, perdinta la paciencon: la princo malpacience rigardis al la maldekstra flanko, de kie li vane atendis la alvenon de Mentezufis [7].