tradukoj: be bg cs de en es fr hu nl pl pt ru vo

^*respond/i

^*respondi

1.

Doni informon petitan per demando; reagi al diro de alia interparolanto en konversacio: respondi demandon^Z, al demando; li respondis, ke li akceptas.

2.

Reciproki: la ŝipoj respondis la bombardadon; senresponda amo.

3.

Laŭi ion, kunakordiĝi kun io; esti konforma, simetria, proporcia je io; = interrespondi: tiu libro respondas ĝeneralan bezonon, al ĝenerala bezono; tiu iniciato respondis la revon de Z; en la 19a jc la 1a de januaro de l' malnova rusa kalendaro respondis al la 13a de la kalendaro gregoria. kongrui.

4.

(arkaismo) = Responsi: ni ne respondas por la konvinkoj nek agoj de li^Z; ni ne respondas pri la enhavo de la reklamoj.

respondo

Tio, kion oni respondas: pri tio ĉi la historio donis jam perfekte trankviligan respondon^Z.

responda

1.

Rilata al respondo, respondanta: responda letero; aĝo responda por la edziniĝo^Z; (arkaismo) la esperantismo kaj la esperantistoj ne povas esti respondaj (t.e. „ne responsu“) pri miaj personaj ideoj kaj aspiroj^Z.

2.

[1] (p.p. anguloj) Situantaj samflanke de rekto sekcanta du paralelajn rektojn, kaj ambaŭ „sube“ de la paraleloj aŭ „supere“ de ili: angulo responda al alia.
Rim.: Kiel por la nocio de alternaj anguloj, tiun difinon oni vastigas ankaŭ al la okazo, kiam la du „unuaj“ rektoj ne estas paralelaj.

anguloj kun samaj literoj estas respondaj, ĉu sube ― (α,α') kaj (β,β') ―, ĉu supre ― (γ,γ') kaj (δ,δ')

respondeco

1.

Eco de io interresponda: rimo estas ia respondeco de sonoj.

2.

= Responso: mi prenas sur min la tutan respondecon; demeti de unuj ĉiun respondecon por la agoj de aliaj^Z; malakcepti la respondecon pri io lavi.
Rim.: Ĉi tiu formo paŭsas la formon de multaj naciaj lingvoj, estas tradicia kaj Zamenhofa, tamen ja estas nelogika: la rilato de la nocio al la ideo esprimata per la radiko estas tiom malrekta ke la trafa rimedo por imiti la nacilingvajn formojn estus uzi la sufikson -um: „respondumo“. Tiun formon oni iam trovas, ankaŭ en verkoj de bonaj aŭtoroj, tamen pli ofta alternativo estas aparta radiko: responsi, responsa kaj (malpli ofte), responso. [Sergio Pokrovskij]

respondilo, respondaparato

1.

Aparato, troviĝanta apud telefono, kiu aŭtomate respondas telefonalvokon kaj aŭdigas respondon, kaj plej ofte ebligas al la vokanto postlasi mesaĝon.

2.

Similspeca sistemo, troviĝanta en la telefoncentralo, al kiu la telefonabonanto povas voki, por aŭskulti la alvenintajn mesaĝojn.

prirespondi, respondeci, respondumi

= Responsi. kaĉo², kaso, kulpo.