tradukoj: be bg ca cs de en es fr hu nl pt ru sv tr

^*riĉ/a

^*riĉa

1.

(iu) Posedanta multajn havaĵojn, multan monon, multajn bienojn: kvankam vi estas riĉa, mi dubas, ĉu vi estas feliĉa [1]; ŝajnigi sin riĉa, nenion havante^Z.

2.

(iu, io) Havanta multe da io ajn: ŝi vidis unu sinjorinon, tre riĉe vestitan [2]; li estas riĉa je scio kaj sperto; principo riĉa je konsekvencoj; riĉa je esperoj, je promesoj.

3.

(io) Enhavanta multajn konsistigaĵojn: riĉa havo^Z; riĉa meblaro; riĉa sperto; tiuj semoj alportis riĉan rikolton^Z; riĉa lingvo; ilia animo estos kiel akvoriĉa ĝardeno [3]. abunda, malmanka, superŝuti

riĉo

Stato de abundo da mono, da havaĵoj aŭ da ajna enhavo: ne helpos riĉo en la tago de kolero [4]; altanima knabino proponas al li sian tutan riĉon da ... amo [5]. poŝo ²,

riĉaĵo

Tre valora havaĵo: da mono kaj riĉaĵo mi liveros al vi tiom, kiom vi povos porti [6].

^*riĉeco

riĉo la riĉeco de tiu ĉi homo estas granda [7]; riĉeco estas frato de fiereco [8].

riĉigi

Abunde havigi valoraĵojn, enhavon: riĉigadi la lingvon per novaj vortoj [9].

riĉiĝi

Ekhavi pli da mono, da valoraĵoj, da enhavo: nia lingvo havos la plenan eblon ... konstante riĉiĝadi [10].

^*riĉulo

Homo kiu havas multan monon, multajn posedaĵojn: la riĉulo havas multe da mono [11]; estas pli facile por kamelo iri tra trueton de kudrilo, ol por riĉulo eniri en la regnon de Dio [12].

^*malriĉa

1.

Posedanta malmulte da valora havaĵo: malriĉa vilaĝa virino [13]; malriĉa kiel muso riĉeja [14]. senmona

2.

Posedanta malmulte da io ajn.

malriĉo

Malabundo, manko je mono, havaĵoj, enhavo: oni sentas tian mankon kaj malriĉon, se neniu ion diras ĉetombe [15].

malriĉeco

malriĉo bonklasaj homoj, kiuj falis en malriĉecon [16]; malriĉeco ne estas malvirto [17].

malriĉigi

Parte aŭ tute senigi je havaĵoj, je enhavo: maldiligenta mano malriĉigas [18]. senhavigi

malriĉiĝi

Ekhavi malpli da mono, da valoraĵoj, da enhavo: Eminjon la onklino ... pelis al laborado tuj kiam ili malriĉiĝis [19]. senhaviĝi

malriĉulo

Homo, kiu ne havas sufiĉan monon, sufiĉan havaĵon: vendu ĉion, kion vi posedas, kaj disdonu al malriĉuloj [20]; malriĉulo parencojn ne havas [21].

novriĉulo

Elsaltulo, homo rapide riĉiĝinta, ofte rigardata kiel nekonvene arogema aŭ elmontrema.