tradukoj: be ca de en es fr he hu it nl ru sv tr

^*sek/a [1]

^*seka

1.

Enhavanta neniom aŭ malmulte da akvo, fluaĵo, suko aŭ graso.

a)

Ne sorbinta fluaĵon (sub la pluvo, en akvujo ktp): seka ĉifono, viŝtuko, subvesto; transiri (rivereton) kun sekaj piedoj^Z; ne restas eĉ unu seka fadeno sur mi^Z.

b)

Perdinta sian naturan akvon pro elvaporiĝo aŭ sekigado: lia lango estis seka; sekaj (velkintaj kaj mortintaj) folioj; seka (sekigita) vinbero; (figure) seka (malgrasa) mano de maljunulo^B.

c)

Rilata al malesto aŭ malmulto da akvo aŭ fluaĵo ĉe fabrikado, estiĝo, funkciado de io: seka tuso (sen mukaĵo); seka riparo (en seka doko¹); seka vojo (kontraste al akva vojo); seka baterio, pilo; seka pezo, maso; seka kompreso; seka vaporo (sen akvogutetoj); seka vetero^Z (sen pluvo).

2.

(figure) Senornama, senfantazia, sendetala: seka formo^Z; seka artikolo^Z, statistiko, skizo; iom seka priskribo, rakonto, stilo; seka (seninteresa) lernado de izolaj vortoj; sekaj (seninteresaj) faktoj kaj datoj; seke teoria logikeco^Z nuda, proza, senmetafora, sobra

3.

(figure) Senkompata, sensenta, severa, ordonema: seka tono; tiu kortuŝa poemo plorigus la plej sekan koron.

4.

(figure) Pri sonoj sensonoraj, plataj, nemelodiaj: mallonga seka rido^B.

^*sekaĵo

1.

Io seka: la patrino iras ... en la ĉambreton al la etulo, kiu ĵus ekkriis, metas lin en sekaĵon, donas al li botelon [2].

2.

La seka tero, kontraste al la oceano kaj maro kaj ceteraj akvujoj: kaj Dio nomis la sekaĵon Tero, kaj la kolektiĝojn de la akvo Li nomis Maroj [3]; la sekaĵo okupas proksimume trionon da tersurfaco, kies reston kovras la akvo; la kulivata tero okupas malpli ol 14% de la tuta sekaĵo.

sekigi

Igi seka dreni, senakvigi

sekiĝi

Iĝi senakva, senabunda, malriĉa: pro varmo la tero rapide sekiĝis; velksekiĝintaj branĉoj^Z; la fonto sekiĝis; tiel la ŝtato akiros fonton de enspezaj neniam sekiĝantan^B; (figure) mia forto elsekiĝis^Z.

malseka

1.

Enhavanta multe da akvo aŭ fluaĵo: malseka ĉifono, vesto, viŝtuko; malsekaj haroj; la mantelo estas malseka, sed la vesto sub ĝi ‐ seka [4]; larme malsekaj okuloj^B; malseka neĝo (neĝo enhavanta multe da likva akvo); regis kruda, malseka vetero^Z; per miaj larmoj mi malsekigas mian kuŝejon^Z. pluvo, roso

2.

(Pri gaso, atmosfero:) Entenanta percepteble multe da gasstata akvo: densa ondo da mucida, malseka aero frapis la vizaĝojn de ambaŭ enirantaj virinoj [5]; ĝardenoj, kies arboj dank' al la malseka blovo de l' maro kreskis [6]; malseka vento, klimato. humida

malsekeco

Stato de io malseka: ofte la ŝipo estis en danĝero, ofte ni devis suferi de malsekeco. [7].

malseketa

Modere, ne tre multe malseka: sablomuldilo (estas) ludilo por formi figuron el malseketa sablo [8]; la ronda vizaĝo estis ruĝeta kaj ŝi iom ŝvitis; la okuloj brilis malsekete [9]; malseketa ĉambro, muro, kelo.

frostosekigi, frostsekigi

Senakvigi per sinsekvaj frostigo kaj sublimo. liofilizi

frostosekigo, frostsekigo

Sinsekvaj frostigo kaj sublimo; procedo por konservo de akvoenhavaj substancoj: frostsekigo ŝajnas iome sukcesi [10].