tradukoj: be ca de en es fa fr hu it nl pt ru sv

^*ŝirm/i [1]

^*ŝirmi

1.

Kaŝi iun aŭ ion kontraŭ rigardo aŭ incida radiado, fluo, vento, pluvo, grajlo, ĵetitaj objektoj ktp, barante la vojon al ili: la ombrelo ŝirmis nin de la pluvo^B, kontraŭ la pluvo; la remparo ŝirmas la soldatojn de la kugloj^B; subite ĉio mallumiĝis, de la sudo ekpluvis varmega sablo kaj ekblovis tiel potenca vento, ke ĝi renversis ĉevalon, kiu staris en neŝirmita loko [2]; norde sin levas (la montego) Maŝuk, kiel vila persa ĉapo, kaj ŝirmas tutan parton de l' ĉiela kupolo [3]; Sed ― stranga afero ― ĉio, kio antaŭe ŝirmis, kaŝis kaj neniigis konscion de la morto, nun jam ne povis fari tiun efikon [4]. eklipsi

2.

Protekti iun aŭ ion.

a)

Protekti por evitigi materian difekton: la polico sukcesis ŝirmi la fremdulojn^B; la faraono ŝirmis la Fenicianojn kontraŭ la Asirianoj^B; ne traktatoj sed armeoj povas ŝirmi la limojn^B.

b)

Forigi de iu aŭ io danĝeron aŭ abstraktan malbonon: eduki la infanojn tiel, ke ili estu ŝirmataj kontraŭ la superstiĉoj; ŝi vojaĝis nokte por ŝirmi sin de la scivolo kaj respektemaj salutoj de la loĝantoj^B; tiu longa pripensado ne ĉiam ŝirmis min de (kontraŭ) eraro^Z.

gardi

3.

Aranĝi ke elektra kampo aŭ radiado ne penetru en protektatan lokon (ŝirmi cirkviton kontraŭ ekstera kampo) aŭ ne disvastiĝu eksteren (ŝirmi la fonton de radiado).

ŝirmilo

Ilo por ŝirmi: fajroŝirmilo; kotŝirmilo; okulŝirmilo; manŝirmilo; Esperanto estas la plej bona ŝirmilo por gardi la naciajn lingvojn de konstanta difektiĝado. bastiono, ekrano, remparo, ŝildo

fulmŝirmilo, fulmoŝirmilo

Pinta fera stango, starigita sur la supro de konstruaĵo, kiel ŝirmilo kontraŭ la fulmo: vane estas fulmoŝirmilo sur la domtegmento [5].

lampŝirmilo, lampoŝirmilo

lumŝirmilo ¹ li rigardis la librobreton kaj la lampŝirmilon por la noktaj studoj [6]; regule forigu la polvon de viaj lampoj kaj lampŝirmiloj por plibonigi la lumefikon [7].

lumŝirmilo, lumoŝirmilo

1.

Kovraĵo de lampo, kiu direktas aŭ malfortigas ĝian lumon: la tablolampon li metis sur la plankon, depreninte la flavan lumŝirmilon [8]; ĉiu havis enmane etan lanternon kiu portis lumŝirmilon [9]. abaĵuro, lampŝirmilo

2.

Ŝirmilo de la ekstera lenso de fotilo aŭ filmilo kontraŭ tro rekta lumado.