tradukoj: be de en fr hu nl pt ru

¹protekt/i [1]

protekti

1.

Helpi iun per sia influo kaj aŭtoritato: kiun reĝo protektas, tiun ministro elektas [2]; ni ne estas tiaj homoj, kiuj protektus sian filinon en malbonaj faroj^Z; protekti iun al ofico^B. patroni

2.

Defendi, gardi kontraŭ minaco: unu malamiko pli difektas ol cent amikoj protektas [3]; estu mia genio protektanta kontraŭ tiu ĉi fremdulo^Z; protekti tiajn trezorojn kontraŭ la detruo. ŝirmi ²defendi, flugilo, remparo, ŝildo, teni sub

protekta

Kiu protektas, helpas kontraŭ danĝeroj kaj minacoj: ŝi diris kun protekta tono [4]; kun afekte protektema sintenado^Z.

protekto

Subteno, helpo kontraŭ danĝeroj kaj eblaj misoj: Al protekto kaj forto helpas la sorto [5]; la Eternulo, Dio de Izrael, sub kies flugiloj vi serĉis protekton [6].

protektado

Daŭra protekto, helpado: ne rifuzu al ni vian protektadon [7]; la protektado al la malfortuloj estas la devo de ĉiu vera homo.

alta protektado

Aprobo, apogo, subteno, beno kiun aŭtoritata persono, funkciulo aŭ instanco donas al aranĝo: la konferenco malfermiĝis sub la Alta Protektado de Unesko; mi esperas, ke mi esprimos la deziron de ĉiuj kongresanoj, se mi proponos, ke ni sendu telegrafe nian diversgentan saluton al la regnestro de la lando, kies gastoj ni estas, kaj nian dankon al nia alta protektanto [8]. egido ²

alta protektanto

Persono, organizo, kiu aprobas, apogas, subtenas, benas per sia aŭtoritato ian aranĝon. La Alta Protektanto de la konferenco estas Unesko;

protektanteco

alta protektado la reĝo prenis sur sin la protektantecon super la kongreso^Z.

protektismo

Ekonomia doktrino aŭ politiko, metanta altajn doganojn sur importaĵojn por protekti la enlandan industrion aŭ komercon: protektismaj rimedoj [9]. liberalismo ²

mediprotekto

naturprotekto Ĉinio mobilizas ĉiujn civitanojn kaj familiojn fari siajn kontribuojn al energiŝparo kaj mediprotekto [10].

naturprotekto

Agado por konservi la naturon sendifekta, senpolua: muzeo de naturprotektado [11].