tradukoj: be bg cs de en es fr hu nl pl pt ru

^*tim/i [1]

^*timi

1.

Senti malagrablan senton, kaŭzatan de efektiva aŭ imaga minacanta danĝero aŭ malbono, kiun oni deziras eviti: timi la doloron, la morton, la maron, la mokojn^Z; timi la patron, la ŝtelistojn; timu Dion^Z; korniko vundita propran voston timas [2]; mi timis konfesi tion; li timis diri^Z, entrepreni vojaĝon^Z; ne timu servi al ili^Z; mi timas, ke mi povas fari ian maljustaĵon al iu^Z; mi timas, ke oni vin aŭskultas^Z; la esperantistoj ne timis, ke la mondo kulpigos ilin pri la deziro helpi al la unuiĝo de la homaro^Z.

2.

antaŭtimi timi ribelon; timi pri sia vivo, havaĵo; vane vi timas, ke mi volas enkonduki novan ortografion^Z; mi timas, ke pluvos morgaŭ, ke li ne venos; ĉu ni devas timi, ke nia tuta laborado fariĝos vana^Z? mi timas, ĉu tio ne estas sonĝo; mi timas, ĉu post tiel belaj promesoj vi ne kaŝas malpli sukcesajn rezultatojn^B; mi timas, ke via indigno diktus al vi tro akrajn vortojn^Z; ne ekzistas eĉ la plej malgranda kaŭzo por timi, ke aperus ia nova lingvo, kiu elpuŝus Esperanton^Z.

timo

Sento de tiu, kiu timas: paliĝi de timo; timo al, antaŭ iu, pro io; timo al, antaŭ la mizero; komenco de saĝeco estas timo antaŭ la Eternulo[3]; la virtuloj estas sentimaj^Z.

tima, timema

Inklina al timo: antaŭ tima okulo potenciĝas eĉ kulo [4]; timulo timas eĉ sian propran ombron^Z; timema kiel kuniklo, leporo.

timigi

Kaŭzi al iu timon: pelu ilin per Via ventego, kaj per Via fulmotondro ilin timigu [5]. minaci

timinda

Kapabla malutili, danĝera, kiun oni ne spitu: kiel timindaj estas Viaj faroj! pro Via granda forto kaŝiĝas antaŭ Vi Viaj malamikoj [6].

antaŭtimi

Konsideri kiel baldaŭ okazontan ion malbonan kaj bedaŭrindan: tio, kion antaŭtimis Ivano, realiĝis: lia aspekto ekscitis skandalan interesiĝon [7]. timi ²

antaŭtimo

Timo pro io okazonta: ne praviĝis la antaŭtimo de la prokuratoro pri eventuala tumulto dum la ekzekuto [8].

ektimi

Subite timi pro nova, aperanta danĝero: se elpaŝos kontraŭ min armeo, mia koro ne ektimos [9].

fortimigi

Malproksimigi kaŭzante timon: brutaroj tie paŝtiĝos, kaj neniu ilin fortimigos [10]; li ... fortimigis la lupon per fortega „tju!“ [11].

maltimi

Fari malatentante danĝeron: li maltimis nin insulti; ne tial, ke ili maltimus morti, sed tial, ke ili kuraĝis ne vivi per la kosto de honto [12].

maltima

Ĉiariske sentima, malatentanta danĝeron: maltimaj kavaliroj sur spiregantaj ĉevaloj [13]; ĉu li ne estas tiu, kiun oni celas mortigi? Kaj jen li parolas maltime, kaj ili diras al li nenion [14]; la plej simplaj opiniesprimoj de la jura konsilisto siaflanke ŝajnis al li tro maltimaj kaj tro malpiaj [15]. aŭdacaaroganta, brava, entreprenema, kuraĝa, riskema

kulistimo

Timo, kiun oni antaŭsentas en kuliso kaj sentas dum prezentado antaŭ publiko: Yuanyuan tiumomente tute ne havis kulistimon, ŝi tre bone rolis [16].

timosento

timo