tradukoj: be bg br cs de en es fr hu it nl pl pt ru sk sv tp tr vo zh

^*aer/o

^*aero

1.

Spirebla nesimpla gaso, kiu ĉirkaŭas la teron: oro estas pli peza ol fero, pli malpeza ol aero [1]; preni iom da freŝa aero^Z. pendi.

2.

Libera spaco super la tero, ofte konsiderata kiel medio por flugado kaj aviado: granda blanka cigno ŝvebis en la aero [2]; konstrui kastelojn en aero (revi pri ĥimeraj profitoj) [3]; celi anseron, trafi aeron [4]. aerarmeo, aerofloto, aeroŝipo

aera

1.

Konsistanta el aero, malpeza kvazaŭ el aero: aera veziketo^B; [la infanoj deŝiris] tiun malkompaktan, aeran, lansimilan floron [de leontodo] [5].

2.

Estanta en la aero: kelkaj vegetaĵoj havas aerajn radikojn.

3.

Rilata al aero: la pantofloj flugis al ili trans la orelojn [:] tiajn aerajn fenomenojn ili neniam antaŭe vidis [6].

4.

(figure) Malfirma, senbaza: gloramo havas esencon aeran kaj senfundamentan^Z. vanta, venta

^*aerumi

Enlasi eksteran aeron en iun lokon, por forigi de ĝi malutilajn por la sano gasojn aŭ malagrablajn odorojn: oni zorge aerumu la dormoĉambrojn ĉiun matenon. ventoli

Bonaero [7]

Ĉefurbo de Argentino: luita aŭto devis veturigi nin al la flughaveno, situanta ĉe la ĉefurbo Bonaero, troviĝanta je 60 km for de La Plata [8]; en la sidejo de Bonaera Esperanto-Asocio dudeko da partoprenantoj plenumis la kutiman tagordon [9].