tradukoj: be br cs de en es fr hu pl ru sk tp

^*batal/i

^*batali

1.

Peni por venki iun atakante aŭ defendante, precipe en milito: la armeo kuraĝe batalis; la knaboj interbatalis per neĝbuloj; li fervore batalis kaj venkis en tiu sporta konkurso; (figure) kontraŭaj sentoj ekbatalis en lia koro [1]. lukti.

2.

Peni por superi aŭ forigi kontraŭaĵon: ni devis batali kontraŭ grandaj malfacilaĵoj^Z; li batalis kontraŭ kortuŝiĝo^Z. barakti.

3.

Ataki aŭ defendi per spiritaj armiloj: oni povus batali kontraŭ tio per fortaj argumentoj^Z; batali por triumfigi siajn ideojn. refuti, kritiki, kontesti.

batalo

Ago de batalanto: la batalo apud Solferino; estas en mi batalado inter du sentoj; la batalo pro la ekzistado, pri la vivo^Z. konflikto.

batalejo

Loko de batalo: ili venis al la batalejo, kaj jen ili ekvidis, ke la glavo de ĉiu frapas lian proksimulon [2].

batalema

Inklina batali.

^*batalilo

Ilo, kiu servas por batali, armilo: ĉu vi ne havas sub via mano lancon aŭ glavon? ĉar nek mian glavon, nek miajn aliajn batalilojn mi prenis kun mi [3]; se li forkuros de batalilo fera, trafos lin pafarko kupra [4].

batalisto

Tiu, kiu profesie batalas: Li faras en mi breĉon post breĉo, Li kuras kontraŭ min kiel batalisto [5]; nun armu vin, ho batalistino! oni sieĝos nin [6]. militisto, soldato

kunbatalanto

Iu, kiu kune batalas: vi, ombro de nia kara amiko kaj kunbatalanto, akceptu mian funebran saluton [7].

kontraŭbatali

Batali kontraŭ io; malcedi: kontraŭbatali la korpan doloron^Z; vian fraton vi servos, sed kiam vi kontraŭbatalos, vi deĵetos lian jugon de via kolo [8]. rebati.

kontraŭbatalanto

Iu, kiu kontraŭbatalas: per Via nomo ni piedpremos niajn kontraŭbatalantojn [9].

porbatalanto

[10]probatalanto

probatalanto

Tiu, kiu batalas pro iu aŭ io, precipe por la afero de partio, doktrino, societo ktp: Midthus restis fidela kaj senlaca probatalanto kaj propagandisto por Esperanto [11].

vortobatali

Batali per vortoj: memorigu ilin pri tio, ke ili ne vortobatalu, kio estas neniel utila, kun risko de ŝancelo por la aŭdantoj [12]. disputi, polemiki.

    Ĉi tiu indiko "uzebla ankaŭ abs." estas tute superflua
    ― en
    Esperanto ĉiu ajn transitiva verbo uzeblas ankaŭ
    senobjekte.
    [Sergio]
    Tio ne estas vera. Kelkaj verboj ĝuste postulas objekton, kiel
    ekz-e
    "vesti" aŭ "prizorgi" kaj pluraj verboj deriviĝintaj de
    netransira
    verbo pere de prefikse uzata prepozicio.
    [MB]