tradukoj: be de en fr nl pt ru tp

²konflikt/o ^Z

konflikto

1.

Malkonsento inter homoj, kaŭzita de kontraŭeco de iliaj deziroj aŭ opinioj: [tiuj politikaj principoj estas] konstanta kaŭzo de neniam finiĝontaj intergentaj konfliktoj [1]; mi tre timas konflikton inter la reĝo kaj la ĉefpastroj [2]; konflikto (kaŭzita) de interesoj, pasioj; konflikto kun la propra konscienco^B (animkonflikto); konflikto inter du regnoj^B; konflikto pri juĝorajto inter du tribunaloj; armita konflikto. antagonismo, malakordo, batalo, kolizio, kverelo, milito.

2.

(figure) Nekongrueco, kontraŭeco: la filmo GUASHA prenis tiun terapion kiel la ĉefan intrigon [...] por montri la konflikton de la ĉina kaj usona kulturoj [3]; veni en konflikton kun gramatiko^Z.

konflikta

1.

Rilata al konflikto: la transdono de Heroldo de Esperanto [...] okazis en konflikta etoso inter LF-koop kaj la Societo „Heroldo de Esperanto“ [4]; ilia devojigo por egoistaj celoj estigas konstantan konfliktan klimaton [5]; se konfliktantaj partioj ne sukcesas interkonsenti, konflikta komisiono prijuĝas kaj findecidas [6].

2.

Estanta en konflikto ², konfliktanta ^1.b: konfliktaj interesoj [7]; lia kapo estis plena de maltrankvilaj kaj konfliktaj pensoj [8]; [la interhoman komunikadon] stiras distiraj, kontraŭaj kaj konfliktaj fortoj [9]; oni aŭdas konfliktajn onidirojn pri la Nazaretana sekto [10]. kontraŭa, mala, malakorda, nekongrua

3.

(p.p. opinio, ago k.s.) Vekanta konfliktojn: tro da talentaj homoj turnis sin for de la temporaba kaj ofte konflikta organiza laboro je monda skalo [11].
Rim.: Ĉi-sence kelkaj uzas „konfliktema“, kiu tamen pli bone aplikiĝas al personoj avidaj partopreni en konfliktoj, eventuale ilin kreinte. Se ial „konflikta“ aspektas ambigua, pli bone estus uzi la tute klarajn „konfliktoveka“, „konfliktosprona“ aŭ „konfliktinstiga“.

konflikti

Esti en konflikto:

a)

persone mi ne konfliktis kun iu, nek estas io ajn persona en la fono de mia demisio [12].

b)

[la silaba analizo] povas iam kaj iam konflikti kun la limoj de envortaj radikoj [13].

malakordi, batali, kontraŭi, kontraŭdiri, kolizii, kvereli, militi

ekkonflikti

Komenci konflikti. veni en konflikton

animkonflikto

Stato de iu, kiun regas kontraŭaj deziroj, sentoj aŭ opinioj: la animkonflikto estis mallonga, sed terura [14]; tiujn ŝanceliĝojn [de Mallarmé] povas klarigi nur animkonfliktoj [15].

laborkonflikto

Konflikto, okazanta kadre de la labora vivo, pli speciale inter grupo de dungitoj kaj labordonantoj: ĉiuj ĉi revoluciaj grupoj, inter kiuj ekzistis multaj doktrinaj diverĝoj, estis ofte devigitaj interkompreniĝi dum la tre multnombraj laborkonfliktoj de la 1880-aj jaroj [17].

veni en konflikton

ekkonflikti