intens/a

intensa

Plenumata aŭ funkcianta energie, vigle, fortostreĉe: intensa laboro, terapio, trafiko; la instruistino, same kiel ŝiaj lernantoj, estis post kvartaga intensa instruado tre laca [1]. VD:

forta², agema, vigla³, viva²

Klare, forte sentata: intensa lumo, koloro, malvarmo, sono, emocio; ĝuste ĉar ni trovas Esperanton io mirinda, mirakla, riĉiga por la animo kaj la koro ... ĝuste pro tio ŝprucas en ni intensa deziro diskonigi ĝin, kiel trezoron [2]. VD:

klara, brila, densa, forta²

Rezultiganta grandan rendimenton, efika: intensa terkulturado.

intenseco

Alta grado de aktiveco: intenseco de varmo, lumo; elektra intenseco; la intenseco de la febro malaltiĝis.

intensigi

Pliigi la aktivecon; plifortigi la efikon: estas necese intensigi la laboron por fini la konstruon en la difinita templimo; intensigi la lumon, la elektran fluon, la propagandon, la protestojn. VD:

akceli, insisti.

tradukoj

francaj

~a: intense, intensif; ~eco: intensité; ~igi: intensifier, amplifier, renforcer.

germanaj

~a: intensiv; ~eco: Intensität; ~igi: intensivieren.

hispanaj

~a: intenso; ~eco: intensidad; ~igi: intensificar.

hungaraj

~a 1.: intenzív, erőteljes; ~a 2.: erős; ~a 3.: intenzív, belterjes; ~eco: intenztás, erősség; ~igi: intenzívebbé tesz, felerősít.

nederlandaj

~a: intens, sterk; ~eco: intensiteit; ~igi: verhogen, versterken.

persaj

~a: شدید; ~eco: شدت; ~igi: شدت بخشیدن، تشدید کردن.

portugalaj

~a: intenso; ~eco: intensidade; ~igi: intensificar.

rusaj

~a 2.: яркий (о свете, цвете, переживании), насыщенный (о цвете), сильный; ~a: интенсивный, напряжённый, усиленный; ~eco: интенсивность, напряжённость, яркость (о цвете), насыщенность (о цвете); ~igi: интенсифицировать, усилить, усиливать.

fontoj

1. Bertilo Wennergren: Plena Manlibro de Esperanta Gramatiko
2. Claude Piron: Kien esperanto?, Prelego kasede prezentita okaze de kunveno en Cully, Svislando, en septembro 1994.

4intens/a