tradukoj: be de en fr hu nl pt ru

^*material/o [1]

materialo

1.

Ĉio materia, kio estas necesa por iu ago: manĝmaterialoj^Z (nutraĵoj); ligno estas bona brula materialo [2].

a)

Krudaĵo el kiu oni povas produkti fabrikaĵojn: konstrumaterialo.

b)

Ĉio, kio estas necesa por funkciado de entrepreno, ekspluatado, ofico kc: materialo de muelejo, de segejo, de panfarejo.

2.

Ĉiuspecaj sciigoj, faktoj, datumoj necesaj por verki libron, raporton kaj ceterajn aŭ por fari spiritan laboron: la libro prezentos sufiĉe da materialo por legi^Z; ĉerpi materialon el ies verko^B; materialo por raporto; tio donas materialon por pripensado^Z.

materiala

1.

Rilata al materialo: materiala provizo, manko, kvalito; la materialaj (fizikaj, korpaj) bezonoj.

2.

Rilata al la monrimedoj: sen rimedoj materialaj ĉia afero povas progresi nur tre malrapide^Z; subteni materiale la aferon^Z; materiala profito, malhelpo^Z, privilegio^Z; se la aŭtoro (Zamenhof) havus la materialan eblon, li kun plezuro prenus la tutan aferon sur nian propran respondecon, sed bedaŭrinde li la eblon ne havas [3]; materiale helpi iun. mona, financa

3.

Materia, perceptebla por la sentumoj, videbla kaj palpebla: gravan forton materialan la ligo alportus al nia afero^Z; materiala mastro de Esperanto estas la tuta mondo^Z; tio certigas al li la materialan sendependecon.

materialismo^Z

1.

Kondutmaniero celanta en la vivo korpajn plezurojn kaj materialajn profitojn: oni sekve povas pravigi la neceson agi juste eĉ je pure egoisma, materialisma vidpunkto [4]. idealismo

2.

(evitinde) materiismo

materialisto

Homo serĉanta ĝuojn de la vivo, profiton, posedon de riĉaĵoj.

Historia materialismo

Historia materiismo

krudmaterialo

Prilaborota materialo, krudaĵo² kontraste al produkto: kia estas la krudmaterialo de duonkonduktantoj? [5]. naturmaterialo

naturmaterialo, natura materialo

Ĉia materialo trovebla en la naturo, sen homa estigo aŭ prilaborado: Valdorfpupoj estas faritaj ĉefe el naturmaterialoj [6]. krudmaterialo