tradukoj: be de en es fr he hu nl pt ru sv

^*ofer/i

^*oferi

1.

Rite fordonaci ion multvaloran aŭ mortigi ion vivan sur altaro de dio, por akiri ties favoron, protekton: la unuaj homoj oferis nur herbon; oferi bovon, ŝafojn, kolombojn; Abraham volis oferi sian filon^B; (figure) al malgrava principo, elmetita pro montro kaj allogo, estas oferitaj la principoj plej gravaj^Z konsekri

2.

Fordoni multvaloraĵon por servo, uzo, utilo de io aŭ iu: oferi sian tempon^Z; oferi sian servon, al Esperanto; oferi iom da pacienco al la afero^Z; mi lin flegos, mi lin amos, mi oferos al li mian vivon [1]! oferi sumon por la propagando; multego da laboroj iris ofere (estis oferitaj) por tiu ideo^Z; al la afero, kiun mi nun proponas al la ... publiko, mi oferis miajn plej bonajn jarojn [2]. dediĉi ¹

3.

Helpe, donace prezenti, kontribui por iu celo publika, filantropia ktp: oferi monon por la malriĉuloj, por konstruado de kirko; (figure) bonvolu oferi al ni iom da inko^Z; montru al li dankon, se pli oferi vi al li ne povas^Z; donaci, helpi, kotizi
Rim.: PV donis ĉe tiu ĉi senco difinon kaj ekzemplojn kiujn mi opinias malĝustaj kaj evitindaj (pli similajn al la franca offrir) ‐ mi uzus tiusence oferti aŭ proponi aŭ oferi²: oferi monon al amiko; oferi sian ĉevalon, aŭtomobilon al invitito; oferi sian manon al virino, sian brakon al maljunulo; la urbo Bulonjo bonvole oferis gastamon al nia kongreso^Z. PIV2 tiujn ekzemplojn ne transprenis, krom la lastan pri Bulonjo. [Sergio Pokrovskij]

ofero

1.

oferado la lernado de iu ajn nacia lingvo postulas grandajn oferojn de tempo kaj mono^Z; la aztekoj devis prezenti solenan, grandan oferon dum la konsekrada festotago [3].

2.

oferaĵo lasu tie vian oferon antaŭ la altaro, kaj foriru, unue paciĝu kun via frato [4].

oferado

Fordono de valoraĵo por partopreni en sankta aŭ iel bona afero: mi volas fari grandan oferadon al Baal [5]; obeado estas pli bona ol oferado^Z.

oferaĵo

Tio, kion oni oferas: entombigitaj funebraj oferaĵoj [6].

oferema

Volonte fordonanta siajn havojn, sian agadon, sen atento al propra profito.

brulofero

Ofero per bruligo de viktimo: brulofero ne plaĉas al Vi [7]

buĉofero

Ofero per buĉado de viktimo: por kio Mi bezonas vian multegon da buĉoferoj [8]?

foroferi

Memvole perdi por utilo aŭ bono de iu aŭ io iun aŭ ion tre valoran: foroferi siajn amikojn por sia sendanĝereco; sin foroferi por la publika utilo.

oferbuĉi

Ofere buĉi viktimon.

sinofero

Rezigno je propra komforto, necesaĵo, eĉ vivo profite al iu aŭ io: la aŭtoro pritraktas la eternajn temojn de bono, malbono, perfido, lojaleco kaj sinofero [9].

verŝofero

Ofero per forverŝo de vino, oleo aŭ alia kosta fluaĵo: ni incensas al la reĝino de la ĉielo kaj verŝas al ŝi verŝoferojn [10].