tradukoj: be bg br cs de en fr hu nl pl pt ru sv tp vo

^*paper/o

^*papero

1.

Maldika folio fabrikata el pastigitaj ĉifonoj aŭ fibraj vegetaĵoj, uzata por skribi, presi, paki: blanka papero kuŝas sur la tablo [1]; ĉambro tapetita per flavaj paperoj^Z; konfidi ion al la papero (= skribi); al la papero ne mankas tolero (oni povas laŭvole skribi stultaĵojn) [2].

2.

Skribitaj aŭ presitaj notoj, dokumentoj, legitimaĵoj kaj similaj: verkisto verkas librojn, kaj skribisto simple transskribas paperojn [3]. ordigi siajn paperojn; valorpapero; rulo da monpaperetoj^Z; kiam mi (telefone) estis informita ke mi fariĝis kolonelo, certe mi devis iri al la estro por preni la necesajn paperojn [4].

papera

El papero, rilata al papero: tiu decido restos nur surpapera (skribita sed ne efektivigita); paperaj kaj surdiskaj enciklopedioj [5]; la papera versio estas fortike bindita [6]. kabineta, teoria, vorta

^*paperujo

1.

monpaperujo en la poŝo de mia pantalono mi portas monujon, kaj en la poŝo de mia surtuto mi portas paperujon [7].

2.

Kartona aŭ plasta kovrilo aŭ koverto por kune teni disajn paperofoliojn, dosieron: Vitalij elprenis el paperujo skizojn kaj planojn de moskvaj stratoj [8]; nek en la paperujoj de la kontadejo, nek ĉe la financa direktoro, nek en la kabineto de Latronov estis eĉ malpleja spuro de la kontrakto [9].

3.

Kvarangula ujo el ledo, tolo aŭ plasto portata ĉemane aŭ subbrake, uzata por kunporti dokumentojn kaj aliajn diversajn objektojn: pli grandan paperujon mi portas sub la brako [10]. teko

karbopapero

Papero kun dorsa tavolo de karbopolvo, kiu transkopias la skribaĵon al subŝovita folio: tiu verkisto ... mem devas pagi sian paperon, siajn skribilojn, skribmaŝinon, inkrubandojn, karbopaperon [12].

karbonpapero

karbopapero 3 ekzempleroj tajpitaj aŭ legeble skribitaj per nigra globkrajono (ne kopiitaj per karbonpapero) [13].

kreppapero

Diafana, krispita papero simila al krepo, uzebla por pako aŭ por ornamo: ŝia majesta aspekto ŝajnis bazita sur vera aŭtoritato, ne sur suvereneco strasa kaj krep-papera [14].

klozetpapero

neceseja papero

monpaperujo^Z

Faldebla plata poŝa ujo, kutime leda aŭ plasta, por monbiletoj, kreditkartoj kaj dimensie negrandaj paperetoj: ŝi ne forturnis la okulojn for de la mano de la aĉetanto, kiu tenis grandan dikan monpaperujon plenan de mono [16]. biletujo

murpapero

Papera teĝaĵo por ĉambraj muroj aŭ vandoj, ordinare havebla en striegoj, kiujn oni algluas: la murpaperoj estas tiel malsekaj, ke ili falas de la muroj [17].

neceseja papero, necespapero

Mola papero uzata en necesejoj en iuj landoj por sin purigi post ekskrementado: oni legu kion oni volas, kaj ja sankta libro povas esti tre utila se subite mankas neceseja papero [19].

pakpapero

Papero luksa aŭ malluksa, per kiu oni pakas aĵojn: Jen ŝi volis rehavi ankaŭ la pakpaperon [20]; lia patro laboris en buĉejo kaj ofte alportis hejmen iujn pakpaperojn de viando [21].

paŭspapero

Tre diafana papero, kiun oni fiksas sur ŝablono por surdesegni kopion, aŭ sur kiun oni printas bildon por plua kopiado.

reuzpapero

Recikligita papero fabrikita el rubaj paperoj, kartonoj: trompaj pretendoj pri reuz-papero [23].

sablopapero

Papero aŭ tolo kun surgluita tavolo el smirgopulvoro, subtilaj vitreroj... uzata por polurado aŭ glatigo: defrotu kiel eble plej multan ruston per sablopapero [25].

senpaperulo

senpasportulo tiu ago naskis la tiel nomatajn „senpaperulojn“, homojn kiuj sen leĝaj dokumentoj tamen estas en la lando [26].

silkopapero, silkpapero

Tre maldika papero iom diafana, uzata en dekoracio, por volvo de cigaredoj kaj simile: Elder ... transdonis spegulon, pakitan en silkopaperon [27].

smirgopapero, smirga papero

sablopapero kiomfoje li malsuprenkuris ... por aĉeti ĉe najbaraj butikistoj, kion Minna forgesis, egale ĉu kafon aŭ pipron, unufoje eĉ smirgopaperon [28].

sorbopapero

Sorbema papero uzebla ekzemple por forigi troan inkon de skribaĵo: marĝenoj, sorbopaperoj kaj ceteraj paperetoj [29]. viŝpapero

surpaperigi

(figure) redakti la aŭtoro fariĝis poste aktiva esperantisto, kaj nur en la lastaj vivo-jaroj decidis surpaperigi siajn fruajn spertojn [30].

tapetpapero

murpapero

tualetpapero

Milda viŝpapero por tualeto, ekzemple por forigi ŝminkon: mi povis akiri la teknikon ekbruligi lignojn nur kun unu tualetpapero kaj alumeto [33].

viŝpapero

Mola pli-malpli sorba papero uzata por viŝado, por purigo: jen moda fraŭlino ... elegante eltiras pecon da viŝpapero kaj elegante tuŝas la buŝeton [34].