tradukoj: be cs de en es fr he hu nl pl pt ro ru tp

^*pren/i

^*preni

1.

Kapti iun aŭ ion per sia mano aŭ per instrumento, por teni, porti aŭ uzi ĝin: mi prenis broson kaj purigis la veston [1]; mi neniam prenas kun mi multon da pakaĵo [2]; preni pecon per du fingroj^B; preni libron en biblioteko; preni sian kapon per ambaŭ manoj, iun je la kolo, knabon je la mano^B; li prenis la leteron el la manoj de la senditoj^Z; preni sian mantelon; kio mem ne venas, li per la dentoj ĝin prenas [3]; preni infanon sur siaj genuoj, sur sia dorso; la sakon kun mono li prenis kun si^Z; (figure) preni iun kun si^Z (akompanigi sin per iu); (figure) preni ion sur sin (sin ŝarĝi per; respondi pri); (figure) tio ĉi estis feino, kiu prenis sur sin la formon de malriĉa vilaĝa virino [4]; (figure) kiu instruas blasfemiston, prenos sur sin malhonoron^Z; (figure) preni sur sin la tutan taskon, la respondecon.

2.

Perforte ekokupi, ekposedi: preni sieĝatan urbon^B; komencu posedpreni lian landon^Z; venkopreni urbon^Z; la Eternulo donis kaj la Eternulo prenis (reprenis), lia nomo estu benata^Z; oni prenos vian litaĵon de sub vi^Z; savu tiujn, kiujn oni prenis por mortigi^Z; preni sian lokon kapti, rabi, ŝteli

3.

Havigi al si; provizi sin per io; uzi ion: prenu mem akvon, se vi volas trinki [5]; preni al si edzinon^Z; preni apartamenton; preni iun kiel sian sklavon^Z; preni teon, kafon, banon^B; oni prenas ordinare la simplajn radikojn^Z; preni biletojn en la teatro; preni (lui) droŝkon^Z; ekpreni la vojon al iu loko; preni de iu garantiaĵon^Z; preni troprofiton de iu^Z; preni indiferentan, indecan mienon^Z; mi prenas al mi la liberecon atentigi vin pri tio; preni iun formon^Z; preni grandan amplekson; preni konsilon de iu.

4.

Akcepti, ricevi: oni prenas avide, oni redonas malrapide [6]; fajro ekstermos la tendojn de tiuj, kiuj prenas subaĉeton^Z; prenu mian instruon^Z; preni instruon en sian koron^Z alpreni; ĉerpi

5.

Iel rilati al iu aŭ io; konsideri iun aŭ ion de ia vidpunkto: ekvidinte tiun simplecon, ili povas preni la aferon kun ia malestima malŝato^Z; neniu prenis serioze tiun parolon^Z; mi prenis vin por iu pli merita; preni la danĝeron por ŝerco^Z; mi prenas vin kiel atestanton; Angeliko, kiun li prenas por (intermiksas kun) Klaŭdino^Z.

preno

1.

Ago preni: la preno de la urbo.

2.

Io prenita: preneto da tabako.

pinĉprenilo

Instrumento, kun du artikigitaj branĉoj, uzata speciale por eltiri najlojn.

alpreni

1.

preni ⁴

2.

bildigo, variablo.

ĉirkaŭpreni

Preni, ĉirkaŭigante per la manoj aŭ la brakoj: ame ĉirkaŭpreni iun; Esav kuris al [Jakob] renkonte kaj ĉirkaŭprenis lin, kaj ĵetis sin sur lian kolon kaj kisis lin [7]; pro nehavado de rifuĝejo ili ĉirkaŭprenas rokon [8]; via ĉirkaŭpreno estas dolĉa kiel la dormo de laca homo [9]; (figure) ili venis al loko, de kie per unu ekrigardo oni povis ĉirkaŭpreni la tutan landon (FIG) [10]; (figure) nia movado ĉirkaŭprenas pli kaj pli vastajn sferojn. ĉirkaŭbraki, enbrakigi

depreni

Preni ion de iu: la gardistoj deprenis de mi la kovrotukon^Z.

forpreni

Preni kaj forigi ion, senigante iun je ĝi: ne povi forpreni la okulojn for de iu^Z (kateni); forpreni de iu la panon per grandaj impostoj^Z; vi forprenas de maljunuloj la prudenton^Z; mi ne volas forpreni vian tempon^Z (konsumi); forpreni la vivon de iu^Z; forpreni ion al iu^Z.

kunpreni

Ironte preni kun si.

lupreni

lui

repreni

Preni al si ion, kion oni antaŭe donis aŭ lasis: vian babilon vi jam ne povos repreni^Z; sub seruro promesojn tenu, sed doninte ne reprenu [11].