tradukoj: be de en fr hu nl pt ru sv

^*profund/a

^*profunda

1.

Granda laŭ la dimensio profundo; havanta difinitan grandon laŭ tiu dimensio: profunda puto, foso, lago, valo, akvo, groto, galerio, vundo; frapoj iras profunde en la korpon^Z; neniu ĝis nun penetris sufiĉe profunden [1]; iru pli profunden en la ĉambron; skatolo profunda je du centimetroj; la baseno estis nur duonmetron profunda.

2.

Etendiĝanta, atinganta ĝis tre malalte: profundaj radikoj de arbo; la plej profunda infero [2]; profunda saluto [3]; fiŝo granda naĝas profunde (por atingi gravan celon, oni bezonas gravajn rimedojn) [4]; li falu pli profunden [5].

3.

(figure) Atinganta la fundon de la aferoj; penetranta ĝis la kerno: profunda penso, prudento, studo, erudicio, medito; profunda spirito, politikulo; ne forgesu la profundan sencon de tiu vorto; profunde scii lingvon. radikala

4.

(figure) Ega, pleja, grava: profunda dormo falis sur Abramon [6]; profunda doloro [7]; profunda deziro, mizero, konvinko, dekadenco, mallumo^Z; profunda disonanco^B; maljunuloj de profunda aĝo [8]; ni esprimas nian profundan dankon al li^Z; profunde saĝa plano.

profundo

1.

Dimensio de objekto, mezurata laŭ la malproksimeco for de la supraĵo aŭ aperturo; ekzemple de la pli antaŭa parto al la pli malantaŭa, aŭ de la pli alta parto al la pli malalta (rigardate de supre): ĝia profundo [de tiu valo] estas kelkcent metroj, longo 130 mejloj, meza larĝo apenaŭ unu mejlo [9].

2.

Profunda loko; parto plej malproksima de la supraĵo aŭ aperturo: en la profundo de la scenejo^Z; pordo kondukanta en la profundon de la domo [10]; la profundo de la ĉambro estis preskaŭ tute malluma [11]; granda ŝipo bezonos profundon^Z (samsignifa kiel: fiŝo granda naĝas profunde); (figure) ŝi ekparolis vortojn, venantajn el la profundo de la koro [12].

profundeco

1.

Eco de tio, kio estas profunda: mi ne kapablas penetri la profundecon de liaj pensoj.

2.

(arkaismo) Profundo ¹: ne konante la profundecon ne iru en la riveron [13].

profundego

Tre granda kavo, tre profunda loko: la akvo ŝaŭme batadis, turniĝante kiel bruantaj radoj muelaj, kaj ĉion, kion ĝi kaptadis, tiregadis kun si en la profundegon [14].

profundegaĵo

profundego li sidiĝis ... sentime deglitis en la profundegaĵon [15].

profundigi

Igi profunda, vasta ĝis la fundo, radikala: li fosis kavon kaj profundigis ĝin [16]; per premado ili profundigis la pekojn [17]. fosi

profundiĝi

Iĝi pli profunda, atingi pli profundan lokon: la kadavro profundiĝis iom post iom en la akvon; (figure) profundiĝi en siaj pensoj^Z .

enprofundiĝi

Iri profunde en ion: enprofundiĝintaj okuloj ne estas tie ĉi la loko por enprofundiĝi en detalojn teknikajn; enprofundiĝinta en la legado, en la rigardado. droni, enkaviĝi, enpensiĝi

malprofunda

Havanta malgrandan profundecon: apude estis ronda, malprofunda golfeto [18]. eble miaj vortoj ŝajnis al vi tro malprofundaj [19]? frivola, plata, supraĵa

malprofundaĵo

En akvejo, loko malprofunda, kiu povas kaŭzi ŝippereojn: ili ... remis al la mezo de la lago, kie troviĝis malprofundaĵo [20].