tradukoj: be de el en fa fr hu it nl pl pt ru sv

homogen/a ^Z[1]

homogena

1.

Kies ĉiuj partoj havas saman naturon, konsiston: homogena fandaĵo. heterogena

2.

a)

[2] (p.p. polinomo) Kies ĉiuj termoj estas samgradaj: ĉiuj homogenaj polinomoj de unu argumento estas de la tipo aXⁿ; X²+XY+Y² estas duagrada homogena polinomo de du argumentoj.

b)

[3] (p.p. lineara ekvacio) Kies dekstra flanko estas 0: por solvi nehomogenan diferencialan ekvacion, ofte utilas solvi la respondan homogenan ekvacion.

c)

(p.p. bildigo f inter du vektoraj spacoj) Tia, ke por iu nombro α ĉiam veras, ke f(λ∙x) = λ^α∙f(x).

d)

[4] (p.p. koordinatsistemo) Tia, ke en ĝi la koordinataj opoj kun proporciaj termoj difinas la saman punkton: la sistemo de pezocentraj koordinatoj estas homogena.
Rim.: Oni ofte aplikas la kvalifikon „homogena“ al la koordinatoj mem aŭ al la koordinataj opoj.

homogeneco

Sameco de naturoj, konsistoj, substancoj en partoj de tuto: verŝu iom post iom tiun likvaĵon sur la maniok-amelon kaj per granda kulero miksu ĉion ĝis homogeneco [5].

malhomogeneco

Malsameco de konsistoj, bunteco, malunueco, heterogeneco: la kosma fona radiado havas malhomogenecojn [6].