tradukoj: ca de en fr hu nl pl ro ru

^*spac/o

^*spaco

1.

Senfinaĵo, en kiu moviĝas ĉiuj objektoj: unutona lumo saturis la tutan spacon^B. senlimaĵo, vastego

2.

Difinita mezurebla parto de tiu ĉi tridimensia senfinaĵo: la lito okupas grandan spacon; la akvaj spacoj^B; terspaco; interspaco; (figure) spaco da tempo. areo, tereno.

3.

Distanco; longo inter du lokoj aŭ punktoj: sur spaco de kelkaj mejloj^B.

4.

Unu el la du necesaj universalaj kondiĉoj de esto (tempo), ordiganta la kunekziston per tridimensia reciproka ekstereco de la eroj, kaj konceptata kiel senfine granda kaj senfine dividebla.

5.

[1] Alia nomo por aro, provizita per matematika strukturo, kiu donas al ĝi ian similecon kun la fizika spaco. punkto;afina spaco, banaĥa spaco, eŭklida spaco, hermita spaco, hilberta spaco, metrika spaco, mezurhava spaco, normohava spaco, probablospaco, vektora spaco, topologia spaco.

spaceto

Signo kies bildigo sur ekrano aŭ papero estas vaka signopozicio; ĝia Askia numero estas 32: antaŭira spaceto; vosta spaceto; nerompebla spaceto (kie linifaldo estas malpermesita).

enspaci^Z

Okupi spacon, ampleksi: ni havas tiom da gastoj, tiom da gastoj... la ĉambroj, ŝajne ne enspacos ĉiujn [2].

interspaco

Spaco inter du aferoj: de la buŝo ĝis la manoj estas granda interspaco [3].

afina spaco

Tia algebra strukturo (E,+), ke + estas ekstera operacio de iu vektora spaco V super E, kun la sekvaj ecoj: (1) la kunligaĵo de (eksteraj) operacioj de τ kaj τ' estas la operacio de τ+τ'; (2) la operacio de la nulo estas la idento-bildigo kaj, reciproke, nur la nulo operacias tiel; (3) por ĉiuj ajn du punktoj, ekzistas vektoro, kies operacio ĵetas unu punkton al la dua: la vektoran spacon V oni kvalifikas direkto de la afina spaco; oni diras ankaŭ, ke la afina spaco estas „direktata de V“; la vektoron, kies operacio ĵetas x al y, oni kutime signas per y-x; ĉiu vektora spaco havas kanonan strukturon de afina spaco, direktate de si mem. punkto;afina; Bildigoj super afina spaco, kun specifaj ecoj: afina, konkava, konveksa; rimarkindaj bildigoj: homotetio, projekcio, simetrio, translacio; Ekzemploj de afina spaco: afina ebeno, afina hiperebeno, afina rekto.

afina subspaco

(de afina spaco (E,+), direktata de V) Bildo per la operacio + de W×{a}, kie W estas vektora subspaco de V kaj a∈E, aŭ la malplena aro: tian subspacon oni foje signas per W+a; la koncerna afina subspaco estas afina spaco, enhavanta la punkton a kaj direktata de vektora subspaco W; aro konsistanta el nur unu punkto estas afina subspaco, direktata de {0}.

banaĥa spaco

Normohava kompleta vektora spaco. Banaĥo.

eŭklida spaco

Reela vektora spaco E, konsiderata kune kun skalara produto super ĝi, aŭ afina spaco, super kiu operacias tia vektora spaco. Eŭklido. Bildigoj super eŭklida (afina) spaco, kun specifaj ecoj: izometrio, delokigo; rimarkindaj bildigoj super eŭklida (afina) spaco: projekcio, rotacio, simetrio, simileco; rimarkindaj bildigoj super eŭklida (vektora) spaco: rotacio, simileco.

hermita spaco

Kompleksa vektora spaco E, konsiderata kune kun hermita produto super ĝi, aŭ afina spaco, super kiu operacias tia vektora spaco. Hermito.

hilberta spaco

Kompleta hermita spaco aŭ eŭklida spaco. Hilberto.
Rim.: Oni ankaŭ parolas pri „antaŭhilbertaj spacoj“, por kiuj oni postulas nek kompletecon, nek ke la normo de nenula vektoro estu nepre nenula.

metrika spaco

Aro M, konsiderata kune kun metriko d en M: tian metrikan spacon oni signas per (M,d). punkto;topologia spaco; Specifaj subaroj: globo, malfermita subaro; Specifaj ecoj de metrika spaco aŭ subaro de ĝi: barita, antaŭkompakta, kompakta, kompleta; Bildigoj super metrika spaco, kun specifaj ecoj: izometrio, kontinua, kontinuega.

mezurhava spaco

Aro Ω, konsiderata kune kun σ-algebro A super ĝi kaj mezuro μ super A: mezurhavan spacon oni kutime signas per triopo (Ω,A,μ).

normohava spaco, normita spaco

Normohava vektora spaco: eŭklida vektora spaco estas ankaŭ normohava spaco, konsiderante la naturan normon ||x|| = √<x|x>; ĉiu normohava spaco estas ankaŭ metrika spaco kaj topologia vektora spaco; la topologia dualo de normohava spaco estas normohava (la normo de lineara formo φ difiniĝas kiel la supremo de ||φ(x)||, kiam ||x|| ≤ 1) kaj kompleta.

probablospaco

Tia mezurhava spaco (Ω,A,P), ke P estas probablo. Koneksaj nocioj: okazo, okazalgebro, hazarda variablo.

vektora spaco

(super korpo K) Modulo super K: reela, kompleksa vektora spaco (t.e. super la korpo de reeloj, kompleksoj). vektoro; Koneksaj nocioj: skalaro, bazo, dimensio, lineara kombinaĵo, (lineare) nedependa; Specifaj vektoraj spacoj: vektora ebeno, vektora hiperebeno, vektora rekto; banaĥa spaco, eŭklida spaco, hermita spaco, hilberta spaco, lineara algebro, banaĥa algebro; Bildigoj super vektora spaco, kun specifaj ecoj: homomorfio, endomorfio, izomorfio, aŭtomorfio, homogena; rimarkindaj bildigoj: projekcio, rotacio, simetrio, simileco.
Rim.: Tiu termino foje aperas sub formo „vektorspaco“ [10].
Rim.: En ĉi tiu vortaro ni kutime subkomprenas, ke la korpo estas komuteca.

vektora subspaco

(de vektora spaco) Submodulo de tiu spaco: vektora subspaco estas mem vektora spaco.

topologia spaco

Aro E, konsiderata kune kun topologio T super E: tian topologian spacon oni signas per (E,T). punkto; Specifaj ecoj de topologia spaco: apartiga, apartigebla, koneksa, simple koneksa, vojkoneksa, kompakta; Derivitaj subaroj: adheraĵo, fermaĵo, malfermaĵo, interno, rando; Specifaj subaroj: ĉirkaŭaĵo, densa subaro, fermita subaro, kvazaŭkompakta subaro, malfermita subaro; Epitetoj pri punktoj en topologia spaco: adhera, akumuliĝa, interna, izolita, randa; Bildigoj super topologia spaco, kun specifaj ecoj: homeomorfio, kontinua.

topologia subspaco

(de topologia spaco (E,T)) Tia topologia spaco (A,T_A), ke A⊂E kaj T_A konsistas el ĉiuj komunaĵoj de elemento de T kun A.

    Kontroli trd de/en/ru. Mi ne trovis fonton por ili. Povas esti, ke
    esprimoj de la tipo "subaro, provizita per relativa topologio" estas
    pli kutimaj ol tiu kun "subspaco". [MB]