tradukoj: de en es fr hu nl pt ru

²instal/i

instali

1.

[1] Meti ion ien kaj fari ĉion necesan, por ke ĝi bone funkciu: instali maŝinon, novan ilaron, elektron, banĉambron, kurson, fabrikon, hospitalon, bibliotekon; instali firmon eksterlande, fontanon sur placo; la duan [oran bovidon] li instalis en Dan [2]; - Banujon mi instalis, kriis Bakŝiŝev [3]; bone instalita oficejo (provizita per bone instalita meblaro, ekipaĵaro ktp); la dormĉambro de Hadda estis lukse kaj delikatguste instalita [4]; instali programaron en sian komputilon. aranĝi, ekipi, establi, fondi, munti, nesto, organizi, starigi.

2.

Meti iun en taŭgan lokon: li, antaŭĝuante laboron, frotis siajn manojn kaj haste sin instalis ĉe la tableto [5]; la kapuĉulo estis sin instalinta sur tripieda tabureto [6]; (figure) „Massolit“ sin instalis en Gribojedovo tiel bone kaj komforte, ke ion pli oportunan ne eblas eĉ imagi [7].
Rim.: Estas strange, ke tiu senco aperas plej ofte en pronomaj verboj. Se eblas komforte instali sin en fotelo, kial ne instali iun alian?

3.

[8] Enpostenigi, enoficigi: vi scias, ke la reĝo volas instali Omaron kiel administranton de la reĝaj bienoj [9]; [Varankin] instalis lin por la rolo de ĉefa heroo en la vodevilo „Pavel Ivanov“ [10]; [en Moresnet] oni instalis miksitan estraron [11]; ĉiuj, kiuj regas la ŝtaton, ĉiuj, kiuj direktas la publikan opinion, ĉiuj instalitaj personoj (altpostenuloj), ĉiuj influhavaj homoj [...] [12].

instalado

Ago instali: unu el la lastaj agadoj de Pasquale en la Oficejo estis instalado de moderna komputila sistemo [13]; la instalado [de la satelita instalaĵo] plej konvene okazu helpe de iu satelite televida fakfirmo [14]; la instalado estas tre simpla pere de la aldonita instal-programeto [15].

instalaĵo

1.

Instalita ekipaĵo: bideo: neceseja instalaĵo por lavi la pubon kaj postaĵon [16]; fontano: ornama instalaĵo kun supren ĵetiĝanta kaj ŝprucanta akvo [17]; rimarkindaj instalaĵoj por malsanuloj; [uzo de programlingva dialekto] povas pligrandigi la rendimenton de programaro verkita speciale por la koncerna instalaĵo [18].

2.

Tuto de la instalitaj ekipaĵoj; ejo, kie ili troviĝas: estas via firmao, kiu faris la [tubaran] instalaĵon [19]; komplika elektromekanika instalaĵo enhavas dek milojn da hermetaj relajsoj [20]; la alarminstalaĵo estis enŝaltita [21]; viziti la instalaĵon de fabriko, minejo, kazerno, foiro; jam en la jaro 1836 [estis fondita] hospitalo kiel instalaĵo de burĝa solidareco [22]; Vanunu laboris de 1976 ĝis 1985 kiel teĥnikisto ĉe instalaĵo en suda Israelo [23]; Vaŝingtono insistis ankaŭ, ke estu etigitaj la inspektadoj de militistaj instalaĵoj [24].

instaliĝi

Iĝi instalita, instali ² sin: li rikanis al uzinaj kulturistoj, ankaŭ instaliĝintaj al la stabloj [25]; instaliĝas nur la programo mem, dum la lingvomaterialo restas sur la kompakta disko [26].

instalilo

Programo por instali aliajn pecojn da programaro en onian komputilon.

instalisto

Homo, kies metio estas instalado.

malinstali

instali.

malinstalilo

Programo por forigi iujn instalitajn pecojn de programaro.