tradukoj: be bg cs de en es fr hu pl pt ru

^*dir/i [1]

^*diri

Konigi sian penson per vortoj, esprimi: diru al mi vian nomon [2]; „Pardonu al mi, patrino,“ diris la malfeliĉa knabino [3]; diri koran dankon al iu^Z; el la buŝ' multaj vortoj eliras, sed ne ĉiuj ion diras (parolo abundas sed ne multe signifas) [4]; se oni povas tiel diri^Z; mi diris al mi, ke popolo povas erari^Z; diri al si en la pensoj^Z; diri al si en sia koro^Z; kaj Moseo diris pri la festoj de la Eternulo al la Izraelidoj [5]; diris kaj foriris [6]; li ekster espero kredis en espero, por ke li fariĝu patro de multe da popoloj, laŭ la diritaĵo [7]; (figure) la senco diras al ni, ke la sufikso estas necesa^Z; (figure) la nerefuteblaj leĝoj de la logiko diras al mi, ke tio estas la sola vojo^Z; venu, malbenu al mi Jakobon, kaj venu, malbondiru (insultu, malbenu) kontraŭ Izrael [8]; vi ĝojegas per ĝojo nedirebla [9]. paroli ², rakonti

diro

Tio, kion oni diras: Moseo prikalkulis ilin laŭ la diro de la Eternulo, kiel estis ordonite [10]; mi ne kredis al la diroj, ĝis mi venis kaj ĝis miaj okuloj ekvidis [11].

dirigi

Transdoni siajn dirojn al iu pere de tria persono: Saul sendis senditojn al Jiŝaj, kaj dirigis: Sendu al mi vian filon David [12].

aldiri

Dirante aldoni.

antaŭdiri

Anonci okazontaĵojn: ne aŭguru kaj ne antaŭdiru sorĉe [13]; la profeto Aĥija antaŭdiris al mi, ke mi estos reĝo super ĉi tiu popolo [14]; Mia servanto Jesaja iris nuda kaj nudpieda por trijara montrado kaj antaŭdirado pri Egiptujo kaj Etiopujo [15]; proksima jam estas la tempo kaj la plenumiĝo de ĉiu antaŭdiro [16].

antaŭdiristo

Homo, kiu anoncas okazontaĵojn interpretante antaŭsignojn. hontos tiuj viziistoj, mokindaj fariĝos la antaŭdiristoj, kaj ili ĉiuj fermos sian buŝon [17]; li turnis sin al antaŭdiristino, por demandi, sed ne demandis la Eternulon [18].

disdiri

Dirante divastigi. babili, disanonci, disporti, distrumpeti, perfidi

eldiri

Vortigi, formuli, esprimi: li mortis, konforme al la vorto de la Eternulo, kiun eldiris Elija [19]; mi ne permesis al mia gorĝo peki per eldiro de malbeno kontraŭ lia animo [20]; ne laŭ la aŭdo de siaj oreloj li eldirados verdiktojn [21]; la Spirito mem propetadas por ni per ĝemoj neeldireblaj [22].

ĝustadire

Precizigante, korektante antaŭan diron: vi ĉion neas, aŭ pli ĝustadire, vi ĉion detruas [23]. pliĝuste

kontraŭdiri

Esprimi kontraŭan opinion, kontraŭdiskuti: admonu sklavojn, ke ili estu submetiĝemaj, ne kontraŭdiremaj, ne ŝtelantaj, sed montrantaj ĉian bonan fidelecon [24]; tio do ne estas kontraŭdirebla, vi devas esti trankvilaj, kaj fari nenion senpripense [25]; refuti la kontraŭdirantojn [26].

kvazaŭdiri, duondiri

Alude diri, komprenigi sen rekta eldiro.

laŭdire

Konforme al la komuna diro.

memdire

Laŭ propra diro, propra aserto, konfeso...: vi memdire estas relativa novulo [27]

pridiri

Prezenti ion per vortoj, ĝin parole klarigi, rakonti, komenti: li pridiris al ni vian sopiron, vian doloron, vian fervoron pro mi [28]. priskribi

postdiri

Aldoni dirante: - Tiu havas por si sola kvin ĉambrojn en Parodiklino, - postdiris Gluĥarjov [29].

rediri

Raporti, ripeti aŭditan parolon al iu: ili rediris al li ĉiujn vortojn de Jozef, kiujn li diris al ili (ili ripetis la aŭditajn parolojn) [30]; Daniel faris saĝan kaj prudentan rediron al Arjoĥ [31].

transdiri

Komisie rediri al sekva persono ricevitan parolon: mi tiam staris inter la Eternulo kaj vi, por transdiri al vi la vorton de la Eternulo, ĉar vi timis la fajron kaj ne supreniris sur la monton [32].

onidiro

Komuna diro, famo. klaĉo

popoldiro

Tradicia diro, ofte vortfiguro aŭ idiomaĵo: similaj popoldiroj estas mirinde utilaj en tiuj ĉi okazoj, kiam ni mem nur tre malmultan povas elpensi por nia pravigo [33].

propradire

Dirante per propraj, tio estas taŭgaj vortoj, ĝuste priskribante la koncernan aferon: mi ne havis propradire „instruiston de Esperanto“, ĉar mi ĝin lernis aŭtodidakte [34]. ĝustadire, verdire

verdire

Dirante laŭ vero, sen mensogo, sen prisilento, troigo aŭ maltroigo: ili kredas sin prudentaj, sed verdire ili nur stultiĝas [35]. ĝustadire, propradire