tradukoj: be ca cs de en es fr hu nl ru

^*sekv/i [1]

^*sekvi

1.

Iri post moviĝanta objekto aŭ persono: ŝi sekvis la senditojn de David kaj fariĝis lia edzino [2]; [Marta] iris tiel rapide, ke Klaro apenaŭ povis ŝin sekvi [3]; (figure) sekvi iun per la okuloj, per la rigardoj^Z, per la penso^B (akompani); nur bono kaj favoro sekvas vin en la daŭro de via tuta vivo^Z. postiripostveni

2.

(figure) Dividi ies opinion, morojn, konduton; alpreni kiel modelon, mastron: kaj Barak vokis la Zebulunidojn kaj la Naftaliidojn al Kedeŝ, kaj lin sekvis dek mil viroj [4]; ne sekvu aliajn diojn el la dioj de la popoloj, kiuj estas ĉirkaŭ vi [5]; ne sekvu malbonajn homojn, kaj ne deziru esti kun ili [6].

3.

(figure) Iri laŭ io aŭ agi konforme al io, kio gvidas: sekvi vojon; sekvi konsilon, ekzemplon, kutimon, metodon, principon^Z; sekvi la paŝosignojn de iu^Z; ili sekvu Miajn leĝojn kaj observu Miajn decidojn kaj plenumu ilin [7]; [ili] sekvas la obstinecon de sia koro [8]; la sekvado de gustoj personaj aŭ naciaj estas danĝera en Esperanto^Z.

4.

(figure) Mense atenti pri io okazanta; fari la saman rezonadon, kiel iu alia, kapti la signifon de ties vortoj aŭ pensoj: sekvi (konstante viziti kaj praktiki) kurson; ĉiu sekvas kun intereso la malfacilan bataladon^Z; estas malfacile sekvi viajn pensojn^Z.

5.

Okazi post io, esti lokita post io: post somero sekvas aŭtuno; tago tagon sekvas, sed ne similas [9]; el la diritaĵo ni povas eltiri la sekvantan (jenan) regulon^Z; la diferencon vi komprenos plej bone el la sekvantaj ekzemploj^Z.

6.

Rezulti el io, esti motivita aŭ kaŭzita de io: el tio sekvas, ke [...]^Z.

sekvo

Io, kio sekvas ⁶: tio estas tute natura sekvo^Z; li ne povis distingi, ĉu [la varmego] estas sekvo de la efektiva fajro, ĉu de lia tro granda ardo de amo [10]; sekvoriĉa sukceso. konsekvenco

sekve

Kiel sekvo: ĝis nun ne estis, sekve ne povas esti^Z; ili ne estis en granda nombro, ilia ordigo sekve daŭris mallonge [11]. do, konsekvence.

sekve de, sekve al

En la sekvo de, post, pro...: la servistoj, siavice, sekve de geedziĝoj ... pliigos la laborkapablojn [12]; studento rajtas plen-umi antaŭe aprobitan esplorlaboron kaj gajni kvin poentojn sekve al la pozitiva juĝo de la esplorraporto [13].

sekvaĵo

1.

Sekvanta parto: la sekvaĵo de la teksto estas difektita [14].

2.

(arkaismo) sekvo el kaŭzo nekompleta ne povas naskiĝi sekvaĵo kompleta [15].

3.

Pli-malpli fruaj kaj daŭraj komplikaĵoj, aperantaj aŭ restantaj post malsano aŭ operacio.

4.

[16](arkaismo) vico.

sekvigi

1.

Fari aŭ zorgi, ke iu aŭ io estu sekvanta aŭ sekvata: la policestro sekvigis la suspektatajn fremdulojn; sekvigi leteron (ŝanĝinte la adreson, redoni leteron al la poŝto por ke ĝi atingu la forestantan adresulon).

2.

Rezultatigi aŭ konsekvencigi: tia aliĝo certe sekvigos aliajn; produktado malpli kara sekvigas plian vendadon kaj produktadon; mi estas malsana sed tio ne sekvigas, ke mi ne povas manĝi (kuntreni).

intersekvo, sinsekvo

1.

Aro da aĵoj regule metitaj unu post la alia: laŭ la ŝtuparo staris sinsekvo da soldatoj.

2.

Aro da okazaĵoj estiĝintaj unu post la alia: sinsekvo da aventuroj^B; tabelo de intersekvado ^D (de reĝoj).

intersekva, sinsekva

Prezentanta sinsekvon.

postsekvi

Sekvi ¹, ⁵, ⁶: Anna Petrovna postsekvis lin [el la dormoĉambro] kaj helpis alivestiĝi [17]; mi havas nek la inklinon, nek la rimedojn por teni [la studotajn bestojn] en kaptiteco, ankaŭ ne la bezonatan lertecon por postsekvi ilin en iliaj iroj [18]; (figure) per lacaj okuloj li postsekvis trakurantajn preter li vagonojn [19]; ni havis tiajn rendevuojn, kiam la knabinoj fordonas sin la tutajn, forgesante pri la moralo, pri postsekvoj, pri honto, pri ĉio en la mondo [20]; la administrado kun sia postsekvo de paperaĵoj malhelpas la liberan kuron [21].
Rim.: Ĉi tiu vorto ne aperas en PIV-oj, eble ĉar la prefikso post estas konsiderebla pleonasmo kaj ĝia participa formo ne akordas kun la Zamenhofa senco, sed la vorto tamen aperas.

postsekvanta

1.

(evitinde) Kiu postsekvas.

2.

Estanta post la sekvanta: la sekvanta tago pasis tre bone, la postsekvanta pasis jam pli malrapide [22]; la postsekvantan tagon, nelonge antaŭ la vespero, Lemuel kaj Adaha alvenis en la tendon de Peor kaj Ŝalmana [23].