tradukoj: bg cs de en es fr grc hu nl pt ru tp vo

^*ven/i [1]

^*veni

1.

Moviĝi tien, kie estas la persono, kiu parolas, aŭ al kiu oni parolas: mi vokas la knabon kaj li venas [2]; mi kredeble ne povos veni al vi hodiaŭ [3]; malamiko venis en nian landon [4]; li venu kaj mi pardonos al li^Z; venu, ni atendas vin [5]; ĉu mi venis tien ĉi ... por doni al vi trinki? [6]; la unue veninta (ĉiu ajn renkontinto; trovi); venigi kuraciston, fiakron, librojn el Parizo^Z (mendi, inviti); malfeliĉon Mi venigas de Nordo^Z; maldiligentulo ŝovas sian manon en la poŝon kaj ne volas venigi ĝin al sia buŝo^Z; estu bonveninta; mi salutas kaj bonvenigas la novan verkon; (figure) saĝo venas al via koro^Z; (figure) venos en vian koron diversaj deziroj^Z.

2.

Moviĝi de la loko, kie oni estis, ĝis alia loko: mi venas de la avo, kaj mi iras nun al la onklo [7]; li venas de Usono; greno, kiu venas de Siberio; la vento venas de Nordo; (figure) el Dia buŝo venas saĝo^Z; (figure) la helpo venas de Dio^Z; (figure) la redakcio decidis akcepti lingvajn artikolojn venantajn nur de mi^Z.

3.

Atingi difinitan lokon, kien oni intencis iri: kiam tiu ĉi knabino venis domen, ŝia patrino insultis ŝin [8]; apenaŭ ŝi venis al la fonto, ŝi vidis unu sinjorinon [9]; tiu famo venis ĝis miaj oreloj; kiam oni bone scipovas lingvon, la vortoj venas flue kaj glate sur la lango; (figure) beno venas sur la kapon de tiu, kiu disdonas grenon^Z.

4.

Trafi celon, atingi rezulton: veni al celo^Z; jam longe mi venis al la konvinko, ke...^Z; la konkludo al kia mi venis...^Z; veni al interkonsento, al erara opinio; fine veni al la demando, al la diskutotaĵo; se al sento kaj prudento ankoraŭ iom estas ĝi venebla^Z (se prudento povas ankoraŭ veni al ĝi).

5.

Esti la rezulto de: tio venas de apartaj cirkonstancoj^Z; de tio venas la malbono; nur de malhumileco venas malpaco^Z; ofte leteroj perdiĝas en la vojo, kaj de tio venas neatenditaj malagrablaĵoj^Z; tio ne povas venigi ĝeneralan senarmiĝon.

6.

Okazi siatempe, p. p. momento aŭ fakto: fine venis la horo, la tempo; bona ideo venas post la pereo [10]; venko venas per multe da konsiliĝo^Z; al ĉiu ebleco estas limo, kaj nun la limo venis^Z; kiam venos la printempo; la tempon venontan ankoraŭ neniu konas [11]; la venontan semajnon. proksima

7.

Sekskuniĝi kun: kaj li venis al Hagar, kaj ŝi gravediĝis^Z.

alveni

veni ³ oni ne povas alveni al li; mi ĵus alvenis hieraŭ vespere; (figure) fine alvenas la atendita tago; ni vidos, ke nia komuna celo estas alvenita^Z (ni alvenis al nia celo); (figure) la fondo de tiu gazeto alvenas (okazas) en tre oportuna horo; (figure) li alvenis al tiu ĉi vorto de nia lingvo kun kutimoj latinaj^Z; ĉu vi konas la horon de lia alveno?

antaŭveni

(iun aŭ ion) Veni pli frue ol tiu aŭ tio: leviĝu, ho Eternulo, antaŭvenu kaj renversu lin [12]; piede oni kuris tien el ĉiuj urboj kaj antaŭvenis ilin [13]; mi ne antaŭvenos vian decidon^Z; [niaj korinklinoj] rememorigas la pasintecon, kiu ne plu estas, aŭ ili antaŭvenas la estontecon, kiu ofte ne devas esti [14]. antaŭiri

^*deveni

1.

Esti ido aŭ praido de: la hebreoj estas Izraelidoj, ĉar ili devenas de Izraelo [15]; la franca lingvo devenas de la latina; ilia reganto devenos el ilia propra mezo^Z; devenigita (derivita) vorto; la devenon vian antaŭ mi vi ĉiam kaŝas, reĝon ofendante^Z; homo de alta deveno^Z. origino

2.

veni ⁵ la patologia graseco devenas de abunda manĝo kaj de manko de movado^B. fonto, origino, motivo..

3.

En la Triunuo, la hipostaza rilato de la Patro al la Sankta Spirito: sed kiam venos la Parakleto, kiun mi sendos de la Patro al vi, la Spirito de la vero, kiu devenas de la Patro, tiu pri mi atestos [16].
Rim.: La orienta tradicio uzas la vorton aperantan en Jn 15:26 ― do, laŭ la Londona Biblio, „deveni“. Efektive, ĝi esprimas la sencon celatan en ortodoksismo (la fonto plie ol la vojo). Kp la okcidentan „eligi“. [Sergio Pokrovskij]

enveni

1.

Veni en ion: la virino, kiu envenas en vian domon estu simila al Raĥel kaj Lea! [17] li envenigis la keston en la tabernaklon^Z.

2.

veni ⁷ ŝi donis al li sian sklavinon kaj Jakob envenis al ŝi, kaj ŝi gravediĝis^Z.

interveni

1.

(iu) Elpaŝi kiel peranto aŭ partoprenanto, en ian aferon; sin intermeti, sin enmiksi: li intervenis kiel paciganto.

2.

(io) Aperi, okazi inter aliaj okazoj: perforto intervenis por solvi la konflikton; interveno de la vorto „po“ en la frazo^Z; la soleno plenumiĝis sen malagrablaj intervenaĵoj. interokazi

^*kunveni

Veni ien por esti aŭ agi kune: ni ĉiuj kunvenis, por priparoli tre gravan aferon [18]; la partoprenantoj de la ekskurso kunvenos en la stacidomo^B; la Akademio kunvenis por elekti sian estraron. kolektiĝi, kunsidi

kunveno

Veno de pluraj personoj al unu loko por komuna afero: en la mezo de popola kunveno mi Vin gloros [19]; la kunveno de la instruistoj okazos en la urbodomo.

pintkunveno

Kunveno de eminentuloj, precipe de politikaj estroj: En Helsinko, la 9-an de septembro, okazos pintkunvenoj inter Eŭropa Unio kaj Korea Respubliko, kaj inter EU kaj Ĉinio [20].

postveni

Veni post iu aŭ io: hodiaŭ la internaciismo estas ĉe la sojlo de l' venko, kaj jen postvenas malforta, apenaŭ pensebla koncepto: la sennaciismo [22]; tie minoj, abismoj, forĝejoj, fornoj ... postvenas la mildajn bildojn de l' kampaj laboroj [23]. postiri, sekvi

^*reveni

Denove veni tien, de kie oni jam foriris: la filo de la reĝo, kiu revenis de ĉaso, ŝin renkontis [24]; kiel hundo revenas al sia vomitaĵo, tiel malsaĝulo ripetas sian malsaĝaĵon^Z; reveni hejmen al la difinita tago^Z; (figure) ni revenu al la demando; (figure) mi ĉiam revenadis al mia revo^Z; (figure) reveni al sia unua ideo^B; kiam la fratinon vi revenigos en la grekan landon^Z; (figure) al ĝia fonto riveron neniu povas revenigi^Z.

reveno

Reiro al sia devena loko: trankvile nun atendu la revenon de la sendito^Z.

senrevene

(figure) Definitive, sen ebla reveno al la antaŭa stato: ni estas senrevene perditaj^Z. transiri

videkunveno, videokunveno

Kunveno en kiu partoprenantoj ne korpe ĉeestas, sed komunikas per transsendataj sonoj kaj videobildoj: ĵus komenciĝis videokunveno de la brazila senato favore al esperanto [25].

    Mi ne certas gxuste kompreni la ekz-on "antaux~i ies decidon". Cxu
    vere "veni, antaux ol tiu decidos"? Indus retrovi la fonton de cxi
    tiu
    citajxo. En la koncerna kunteksto mi pli volonte komprenus
    "anticipi".
    La germanaj tradukoj aspektas al mi dubindaj. [MB]