tradukoj: be cs de en es fr hu nl pl pt ru sv

¹distanc/o [1]

distanco

1.

Longo de interspaco: distanco de la tero al la luno; en distanco de kelkaj paŝoj de li.

2.

Valoro de metriko d, kaj pli precize:

a)

[2] (inter punktoj a kaj b) La valoro d(a,b).

b)

[3] (de punkto a al aro A) La infimo de la distancoj ^2.a de a al ĉiu punkto de A.

c)

[4] (inter aroj A kaj B) La infimo de la distancoj ^2.a de ĉiu punkto de A al ĉiu punkto de B.

angula distanco

(inter du punktoj de cirklo) La mezuro de la centra angulo, kies lateroj trairas la punktojn: la angula distanco inter du punktoj de la sama tera meridiano egalas al la diferenco de iliaj respektivaj latitudoj.

pafdistanco, trafdistanco

Distanco ĝis kiu oni povas trafi per pafo.

polusa distanco, polusdistanco[6]

(de punkto en afina spaco) Distanco de la punkto al la origino de koordinatoj: polusa distanco estas la unua koordinato en la polusa kaj sfera koordinatsistemoj; la polusa distanco de punkto en ebeno egalas al la modulo de ĝia bildo en la kompleksa ebeno. radiusvektoro.
Rim.: Pro teĥnikaj kialoj oni foje toleras negativajn valorojn de la polusa distanco, ekz-e en polusaj ekvacioj de kurboj.

sin distancigi, distanciĝi

(malofte) (figure) Elmontri, ke oni ne partoprenas, ne subtenas: en sia instruado Jesuo sin distancigas de la normoj de la pasinteco [7]. malaprobi